Proverbios 19:6 - New Testament Psalms and Proverbs in Mixtec Magdalena Peñasco

⁶ Ñayii kúxiku ma te wa'a i nawa ka jiniñu'u ñayii ma chi ûni ndaka ñayii ma ka kuni ja jin ketna'a ini i ji'in ñayii xiku ma.

Proverbios 19:6 ပူးပေါင်းရင်းမြစ်များ

Salmos 45:12

Te suchi si'i suchi jaa ka iyo ñuu nani Tiro ma, ki koo i, te jin kinda'a i ja jin skuta'vi ña'a i. Te ndaka ñayii ka ni'i ka tna'a ma, jin ka'an vii jin ka'an va'a i ja kuu ro, ja ka kuni i ja chindee ro i.

Proverbios 16:15

Nú iyo sii ini rey tee tátnuni ma chi iyo tnu'u kanu ini ja jin koo va'a ñayii ñuu de ma, te ja sukan kúu de ma chi kuenda tnu'u ja in viko sa'a ja vivii kúun savi ma te vivii ndukuii ma, sukan kuu de.

Proverbios 17:8

Ñayii ni kaan ja ndimaa wa'a i xu'un in‑ka ñayii ma te ní'i i nawa kúni i ma, chi jani ini i ja iyo xeen tnu'u ndatnu i, vaa ndimaa kúndee i ní'i i ndaka nawa kúni i ma.

Proverbios 18:16

Ñayii yinda'a yija'a ja kua'a i ñayii jito ye'e ma chi chindee ña'a ñayii yukan ja kenda i onde nuu ka iyo ñayii ka ndanuu ndánduku i ma.

Proverbios 19:12

Sukan kúu yu'u ndika'a ma sukan kúu rey ma nuna ndakiti ini de ma, kovaa nuna kunda'vi ini de ñayii ma chi sukan kúu ora núu yuyu xtnee ma, sukan na'a ja nda'vi ini de ma.

Proverbios 21:14

In ja masu ndetu ñayii ma, te sanaa sanaa‑ni jin skuta'vi ña'a i ma chi visi ndákiti xeen ini maa i ora yukan, kovaa ndusii ini xeen i ja sukan ni kuta'vi i in ja masu ndetu i ma.

Proverbios 29:26

Kua'a xeen ñayii ndúku ja ketna'a ini i ji'in gobiernu ma, sukan‑va'a chindee ña'a de te koo va'a i, jani ini i, kovaa yika‑ni ja Su'si o Iya Tátnuni ma kúu iya ka'nde ndaa tniñu o a.

Mateo 2:11

Te ni ka kivi koo de ini ve'e ma, te ni ka jini de lulu ma ji'in si'i ya María ma, te ni ka jinkoo jiti de, te ni ka ndachiñu'u de Jesús ma, vaa ka jini de ja iya kanuu kúu ya. Sani te ni ka ndakune de ja ka yinda'a de kuan koo de ma, te ni ka skuta'vi de lulu ma mirra ji'in ja jáxiko asi ji'in oro.

Romanos 6:23

Vaa nuna jin sa'a o ja u'vi ma, te ja jin ni'i o kúu ja jin skenaa o maa o, kovaa nuna jin ko sa'a o sukan ká'an tnu'u ni skuta'vi ña'a Su'si ma chi jin koteku o ni‑kani ni‑jika ja maa Cristo Jesús iya tátnuni nuu o a.