Proverbios 19:5 - New Testament Psalms and Proverbs in Mixtec Magdalena Peñasco

⁵ Ñayii ka kukanu ini ñayii ja ndakani ndaa i nawa ni jini i ma te ma ndaka'an ndaa i ma chi ma kaku maa i chi ndo'o neni i ja sukan sa'a i ma. Suni ñayii ká'an tnu'u ma chi masu yanduu ja onde ndo'o neni maa i.

Proverbios 19:5 ပူးပေါင်းရင်းမြစ်များ

Salmos 56:7

Su'si, kivi kenda ja ndakiti ini ni nuu ndaka ñayii ka sa'a ja u'vi ma, te ndakan maa ni kuenda nuu ñayii ka kuni u'vi nuu sa ma, te jín ndatna'a maa i ja kan‑nuu, ja ka iyo i ñuu yukan.

Proverbios 14:25

Ñayii ndáka'an ndaa nawa ni jini i ma chi sa'a i ja ka kaku ñayii ma nuu tnundo'o ma, vaa ndáka'an ndaa ndaa i ma, kovaa ñayii játna ini ja xnda'vi i ñayii ma chi masu ndáka'an ndaa kuiti i nawa ni jini i ma.

Proverbios 14:5

Ñayii kúkanu ini o ja ndakani ndaa i nawa ni jini i ma chi nú ñayii sa'a ja va'a ja ndaa kúu i chi masu nawa xnda'vi ña'a i, kovaa ñayii ñatuu ká'an ndaa ká'an ndija ma chi ndimaa xnda'vi ña'a i.

Proverbios 19:9

Ñayii ñatuu ndakani ndaa nawa ni jini i ma chi ma kaku maa i chi onde ndo'o neni i ja sukan sa'a i ma, te suni ñayii játna ini ja ka'an tnu'u i ma chi masu yanduu ja onde ndo'o neni tna maa i ja sukan sa'a i ma.

Proverbios 21:28

Ñayii ká'an ja ni jini i nawa ni kuu ma te masu ndija i ja ni jini i ma chi masu na'a‑ni te ni masu ni'i ini‑ka i nawa ka'an i, kovaa ñayii ni jini ndija ma chi núkuiñi lili i ja ká'an i ma.

Proverbios 6:19

ñayii ka'an ja ni jini nuu i ma te masu ja ndaa kúu ja ká'an i ma, ji'in ñayii sa'a ja ka ndakiti ini nuu tna'a ñayii ka ketna'a ini ma.