Proverbios 19:28 - New Testament Psalms and Proverbs in Mixtec Magdalena Peñasco

²⁸ Ñayii masu ndákani ndaa sukan ni jini i ja ni kuu ma, ja sukan sa'a i ma chi ja jakundendee‑ni i tee ka ja'nde tniñu ma kúu, te ja sukan sa'a i ma chi chisa'vi i ñayii ka sa'a ja u'vi ma, te ka sa'a‑ka maa ñayii ma ja u'vi ma.

Proverbios 19:28 ပူးပေါင်းရင်းမြစ်များ

Salmos 10:11

Jani ini i te ká'an i: “Su'si ma chi jâ ni ndunaa ña'a ya, te másu nde'ya‑ka ña'a ya, te masu kuni kuiti ña'a ya”, kúu i ká'an i.

Salmos 10:5

Te ndaka ja sa'a ja kúu i ma visi va'a‑ni kée ma, kovaa masu ichi va'a ichi ndaa ma kua'an i, vaa ûni saxiko i ñayii ñatuu kétna'a ini ji'in i ma, te másu nde'ya i sukan jani ini maa ni ma, vi Su'si.

Proverbios 15:14

Ñayii jáku'ni ini ma chi su'va ndánduku‑ka i tnu'u ndichi Su'si ma, kovaa ñayii so'o xeen kaa ma chi kua'a‑ka ja u'vi ndúku i ja sa'a i.

Proverbios 16:27

Ñayii nanimaa ja u'vi ñu'u ini anua i ma chi ndimaa jani ini i naxe sa'a‑ka i ja u'vi ma, te sukan sa'a ñu'u káyu kóko ma ja xnaa ndi'i i nawa iyo nuu káyu ma, sukan ka kuu tnu'u ká'an i ma,

Proverbios 19:27

Sa'ya maa ri, nuna saxiko ro tnu'u va'a ka ka'an‑so'o i nuu ro a chi ma ni'i ini ro naxe ko kuu ro kivi ki'in o a.