Proverbios 19:20 - New Testament Psalms and Proverbs in Mixtec Magdalena Peñasco

²⁰ Ñayii kuan‑ta'vi ja ka ndaka'an‑so'o i nuu i ma te ma ndakone'e xiko i ja sukan ni ka jiña'a ñayii ma chi kutu'va i ja ko kuu i in ñayii ndichi.

Proverbios 19:20 ပူးပေါင်းရင်းမြစ်များ

Salmos 37:37

Kovaa jín konde'ya o ja ñayii ni‑yu'u ni‑ini i ndikin i Su'si ma, chi ni'i i ja vii ja va'a kivi ki'in o ma, vaa ni yo iyo mani i ji'in ndaka ñayii ma.

Salmos 90:12

Kaxtnu'u ni ja na jin ndasa'a sa kuenda, vaa jaku‑ni kivi jin koteku sa ñuu ñayivi ya, te na jin jaku'un ini anua sa ya tnu'u ndichi káxtnu'u ni ma.

Salmos 90:14

Te xtnee ne'e ma kunda'vi ini xeen tna ña'a ni, sukan‑va'a jin kata sa te jin koo sii ini sa ndaka kivi jin koteku sa ma.

Proverbios 1:2

Vaa ni jani ini de ja ka'an de tnu'u ndichi ma, sukan‑va'a chindee ña'a i ja jaku'ni ini o te ndasa'a o kuenda na tnu'u kuatniñu o ma,

Proverbios 1:3

te kutu'va o, te ni'i ini o naxe ko sa'a ko kuu o, te ko sa'a o ja va'a ja ndaa ma, te ko kaka va'a ko kaka ndaa o nuu Su'si ma; te másu ko ski'in o maa o ichi Su'si ma.

Proverbios 1:8

Sa'ya maa ri, koniniso'o va'a ja káxtnu'u yuva ro ma, te máko saxiko ro ndaka ja ká'an káchi si'i ro ma; su'va kandija ro ja ko sa'a ro sukan ka ka'an de ma.

Proverbios 12:15

Ñayii so'o xeen kaa ma chi ndaka ja sa'a i ma chi jani ini i ja ja va'a kúu, kovaa ñayii ndichi ma chi ndimaa kándija i ja ka ka'an so'o ñayii ma nuu i ma.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 19:19

Ñayii yachi‑ni ndákiti ini i ma chi ndo'o neni maa i, te nuna chindee o i ja na ya'a i nuu tnundo'o yukan ma, masu va'a‑ni ja sa'a o sukan ma chi ja chindee o i ja na ndasa'a‑ka tuku i in‑ka jichi ja u'vi ma kúu.

Proverbios 4:1

Sa'ya maa ri, jin konini so'o ja ká'an ru'u ya ja kúu ri yuva ro a, te jin konde'ya va'a ro naxe jin ko sa'a jin ko kuu ro sukan tátnuni ri a, sukan‑va'a jin koo va'a maa ro ñuu ñayivi a.

Proverbios 8:14

“Maa sa kúu ja káxtnu'u nuu ñayii ma naxe sa'a naxe kuu i, sukan‑va'a ku'un kaji ku'un va'a ini i. Maa sa káxtnu'u nuu ñayii ma tnu'u ndichi a, te koo tnu'u ndee tnu'u ndatnu i.

Proverbios 8:33

Jin katanuu ja ká'an káchi ri nuu ro a, te máko jin saxiko ro, sukan‑va'a jin ko kuu ro ñayii ndichi.