Proverbios 19:2 - New Testament Psalms and Proverbs in Mixtec Magdalena Peñasco

² Masu nde jiniñu'u nú ma kani va'a ini ñayii ma te keja'a i sa'a i nawa ñu'u ini i ja sa'a i ma, vaa nú ñama ñama‑ni sa'a o sukan ñu'u ini o ma chi masu kee va'a ja sa'a o ma.

Proverbios 19:2 ပူးပေါင်းရင်းမြစ်များ

Proverbios 1:16

vaa ichi kuan koo i ma masu ichi va'a kúu, vaa ka jinu i kuan koo i ichi nuu kuu jin ka'ni i ñayii ma te jin sa'a i ja u'vi ma. Chukan kúu ja, ¡máko kandija ro ja ka ka'an i ma!

Proverbios 10:21

Ja ka ka'an ñayii ka sa'a ja va'a ja ndaa ma chi skaka ichi i kua'a ñayii ichi va'a ma, kovaa ñayii so'o ñayii ndee ini ma chi ka skenaa i maa i ja ñatuu ka jaku'ni ini i ja jin sa'a i ja va'a ma.

Proverbios 14:29

Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 21:5

Ñayii jakin tna'a vivii nawa jani ini i ja sa'a i ma chi kee va'a ja jani ini i ja sa'a i ma, kovaa ñayii ñatuu ndása'a kuenda i ma chi jani yachi‑ni ini i te sa'a i nde a kúni i ma, kovaa ja sukan kúu i ma chi ndunda'vi ndukee i.

Proverbios 25:8

Nú nawa ni jini ni ja ka sa'a ñayii ma, te máko ki'in kunu ni jin kua'a ni kuenda nuu tee ka netniñu ma, nasa yukan, te kenda in‑ka ñayii te ka'an i ja suni ni jini tna i te ka'an i ja masu ja ndaa kúu ja ká'an ni ma, te ma ni'i ini‑ka ni naxe sa'a ni te tna'a ni ja kan‑nuu.

Proverbios 28:20

Ñayii iyo va'a iyo ndaa nuu Su'si ma chi kuta'vi i kua'a ja va'a, kovaa ñayii ñu'u ini ja ni'i i kua'a xu'un te kuxiku i ma chi masu kaku maa i ja ndo'o neni i.

Proverbios 28:22

Ñayii kueñu ini ma chi yika‑ni ja ñu'u ini i kúu ja na kuxiku i, kovaa masu ndasa'a maa i kuenda ja ichi ko kunda'vi ko kukee i ma kua'an i.

Proverbios 29:20

¿Jâ ni kuu jini ni in ñayii ja ni masu jani ini i te yachi‑ni ká'an i ma? Ja ká'an sa kúu ja iyo‑ka tnu'u kanu ini ja ndasa'a ñayii kúkuee ma kuenda sana ñayii ya'a.

Juan 16:3

Sa'a jin sa'a ña'a i ndijin, vaa masu ka jini i ni a Yuva sa ma ni a maa sa.

Romanos 10:2

Vaa jini sa sukan ka kuu i ma, te chukan kúu ja sa'a ndáka'an sa. Ka kuu ini xeen i ja jin ndanduku i Su'si ma, kovaa masu ka sa'a i sukan kúu ini maa Su'si ma.

Filipenses 1:9

Te chukan kúu ja jikan‑ta'vi sa nuu Su'si ma, ja sukan ka kutoo tna'a o a, te jin kutoo tna'a‑ka o, te jin jaku'ni va'a ini o naxe jin ko sa'a jin ko kuu o,