Proverbios 19:16 - New Testament Psalms and Proverbs in Mixtec Magdalena Peñasco

¹⁶ Ñayii kandija te sa'a i sukan ni tatnuni Su'si ma chi kaku i nuu ja u'vi ma te koteku i, kovaa ñayii saxiko tnu'u ni tatnuni Su'si ma chi kûu i te skenaa i maa i.

Proverbios 19:16 ပူးပေါင်းရင်းမြစ်များ

Salmos 103:18

nuu ndaka ñayii ka sa'a sukan ni tatnuni ya ma te ka ndi ini i ja jin sa'a i ndaka sukan ni tatnuni ya ma.

Proverbios 13:13

Ñayii saxiko te ñatuu jatanuu i ja sa'a i ja ni kucargu i ja sa'a i ma chi ndo'o xeen i ja ñatuu ni kandija i ma te ndakani ini i, kovaa ñayii ndí ini te ni‑yu'u ni‑ini i jatanuu i sa'a i ja ni kucargu i ma chi koo va'a xeen i te koo sii ini xeen i ja ni kundee i ni sa'a i ma.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 16:17

Ñayii sa'a ja va'a ja ndaa ma chi ûni ndí ini i ja kakayata i nuu ja u'vi ma, vaa ñayii jito va'a maa i ja ñatuu na ja u'vi‑ka sa'a i ma chi kaku i te ma skenaa i maa i.

Proverbios 21:16

Ñayii ñatuu ndása'a kuenda naxe ko kuu i in ñayii va'a ma te kúneé kú‑uun‑ni maa i ma chi ichi nuu kûu i te skenaa i maa i kua'an i.

Proverbios 21:23

Ñayii jito va'a i yu'u i ma yaa i ma ja ñatuu nde ká'an i tnu'u masu nde kuatniñu ma chi iyo sii ini i, vaa masu na nde kívi nduu kívi ni'ni i nuu tnundo'o ma.

Proverbios 22:5

kovaa ichi kua'an ñayii sa'a ja u'vi ma chi nanimaa tnundo'o tnuneni kenda koo nuu i ma, vaa jani ini i ja va'a‑ni kúu ja sa'a i ma, kovaa ndimaa ja skenaa i maa i kúu.

Proverbios 29:18

Nú ñatuu na ñayii ndakaxtnu'u tnu'u Su'si ma iyo in ñuu ma chi ma jin sunkani ñayii ñuu ma ja ma jin sa'a‑ka i ja u'vi ma, kovaa ñayii sa'a sukan tátnuni Su'si ma chi chindee ña'a ya te koo vava'a i.

Proverbios 3:1

Sa'ya maa ri, máko ndunaa ro ndaka ja káxtnu'u ri nuu ro a, su'va tava'a onde ini anua ro a, te ku'un ini ro ja ko sa'a ro sukan ká'an tnu'u tátnuni ri a.

Mateo 16:26

¿Na nde jiniñu'u ja in ñayii ma, te visi na koneva'a i ndaka ja iyo ñuu ñayivi a te skenaa i anua i ma? Te nute kuu sa'a i ja ndani'i‑ta'vi i ma chi kuiti ndakua'a ndi'i i ndaka ja neva'a i ma.

Lucas 10:28

Jesús ma, jiña'a ya: ―‍Va'a‑ni ni ndakone'e ni. Sa'a ni sukan, sukan‑va'a koteku ni ni‑kani ni‑jika ―‍kúu ya jiña'a ya.

Lucas 11:28

Te ni ndakone'e ya: ―‍¡Ja vava'a‑ka ka kuu ñayii ka niniso'o ja ká'an Su'si ma te ka kandija i ma! ―‍kúu ya jiña'a ya.

Juan 14:15

’Nú ndijin, ka kutoo ña'a ni, jin kandija ni ja tátnuni sa a.

1 Corintios 7:19

Vaa ja jákitnuni o ma ji'in ja masu jákitnuni o ma, masu nawa ka kuu nuu Su'si ma, su'va ja jiniñu'u kúu ja kandija o sukan tátnuni Su'si ma te sa'a o.

1 Juan 3:22

te maa ya taa ndaka nawa kakan o ma, vaa ka kandija o ja tátnuni ya ma, te ka sa'a o ja játna ini ya ma.

1 Juan 5:3

Ja kutoo o Su'si ma kúu ja sa'a o sukan játna ini ya ma te sa'a o sukan ká'an tnu'u ni tatnuni ya ma, te ja ni tatnuni ya ma masu in ja tnundo'o ja jin kandija o kúu,

Apocalipsis 22:14

’Ja vava'a ka kuu ñayii ka ndasa'a vii ka ndasa'a ndoo i maa i ma, sukan ka sa'a ñayii ka ndakate sa'ma i ma chi ka iyo i ja kuu jin kaa i nde'ya kúun yutnu sa'a ja kuu jin koteku ñayii ma, te kuu jin kivi koo i ye'e ñuu ma.