Proverbios 19:14 - New Testament Psalms and Proverbs in Mixtec Magdalena Peñasco

¹⁴ Xu'un ma ji'in ve'e ma chi ja nduta'vi tee ma nuu yuva de, nuu si'i de ma kúu, kovaa ja ñasi'i de ma te in ña'a ndichi kúu ña ma chi maa Su'si ma ni skuta'vi ña'a.

Proverbios 19:14 ပူးပေါင်းရင်းမြစ်များ

Proverbios 13:22

Ñayii sa'a ja va'a ja ndaa ma chi ndaka ja neva'a i ma ndaskuta'vi i sañani i ma, kovaa ja ni xtutu ñayii sa'a ja u'vi ma chi ñayii ka sa'a ja va'a ja ndaa ma jin ndunda'a.

Proverbios 18:22

Suchi jaa ní'i ñasi'i ma chi in ja vii ja va'a ni kuta'vi i, vaa ni kunda'vi ini Su'si ma i, te ni skuta'vi ya i ñasi'i i ma.

Proverbios 3:6

Ndakunitnuni ro ja maa Su'si ma, sana kuu sa'a ro nawa kúni ro ja sa'a ro ma, te maa ya chindee ña'a ndaka nawa jiniñu'u ro ma.

2 Corintios 12:14

Jâ iyo tu'va sa ja jaan sa nuu ka iyo ni a ja ku‑uni jichi a, te másu ko jin ko ndi ini ni ja nawa jin taa ni, vaa masu ndúku sa ja nawa jin taa ni chi ja ndí ini‑ka sa kúu ja jin koo va'a maa ni. Vaa ndijin chi ka jini ni ja sa'ya sa ka kuu ni, te masu nawa jin ko ndi ini ni ja nawa jin taa ni ja kúu sa yuva ni ma. Vaa sukan kúu o ji'in sa'ya o ma, ja maa o ja kúu o yuva i ma ko ndi ini nawa jiniñu'u sa'ya o ma.

Santiago 1:17

Ndaka ja va'a ja ndaa ka ndani'i o a chi onde sukun nuu iyo Su'si ma vee, te Su'si ma kúu iya ni sa'a ndaka ja ka ndu'va ka iyo onde andivi ma. Te maa ya chi masu ndaxsama ya ja jani ini ya ma, sukan kúu kati kuanda'vi ma.