Proverbios 19:13 - New Testament Psalms and Proverbs in Mixtec Magdalena Peñasco

¹³ Tee neva'a sayii de ma te so'o xeen kaa i ma chi sa'a i ja kendoo nda'vi kendoo kee ve'e de ma, te tee neva'a ñasi'i de ja ndimaa kanaa ña'a ji'in yii ña ma chi sukan kúu nuu jí'in ve'e ma te xtivi i ndatniñu ma, sukan kúu ña.

Proverbios 19:13 ပူးပေါင်းရင်းမြစ်များ

Proverbios 10:1

Tnu'u ndichi ni ka'an Salomón ma. Suchi sa'a sukan ká'an tnu'u ndichi Su'si ma chi sa'a i ja kúsii ini yuva i ma, kovaa suchi so'o xeen kaa ma chi sa'a i ja kúxii ini si'i i ma.

Proverbios 15:20

Suchi ndichi ma chi sa'a i ja ka iyo sii ini yuva i ma, kovaa suchi so'o xeen kaa ma chi saxiko i yuva i si'i i ma.

Proverbios 17:17

Ñayii kétna'a ndija ini ji'in in‑ka ñayii ma chi ni‑kani ni‑jika kútoo i ñayii yukan, te kivi kénda tnu'u xii ini ma chi ka chindee tna'a i kuenda tnu'u ja ndi-tna'a ñani i.

Proverbios 17:21

Ñayii kúu yuva suchi so'o xeen kaa ma chi ndimaa tnu'u xii ini koo i sa'a sa'ya i ma, te ñatuu na tnu'u sii ini koo nuu i ja sukan ndee ini sa'ya i ma.

Proverbios 17:25

Tee neva'a sa'ya de suchi so'o xeen kaa ma chi sa'a i ja ndákiti ini yuva i ma te kúkan‑nuu de ja sukan kúu i ma, te sa'a i ja kúxii xeen ini si'i i ma.

Proverbios 21:19

Ja va'a‑ka kúu ja koo nda'vi koo kee o in nuu ñatuu kuiti nawa iyo ma sana ja koo o ji'in in ña'a kúneé kú‑uun ma te yachi xeen ndákiti ini ña ma.

Proverbios 21:9

Ja va'a‑ka kúu visi in ve'e nda'vi ve'e kee kúu te koo maa in‑ni o, sana ja koo o in ve'e ka'nu ve'e va'a ji'in in ña'a ndimaa kúni ña ja kanaa ña.

Proverbios 25:24

Va'a‑ka ja visi titi'i na koo o in ve'e yoxtnee onde xini ve'e ma sana ja koo o in ve'e ka'nu ji'in in ña'a ndimaa ndónda ña nuu o ma.

Proverbios 27:15

Ña'a ndimaa kúni ja kanaa kanaa‑ni ña ji'in o ma chi sukan kúu xini ve'e ji'in ora kúun savi ma, sukan kúu ña,