Proverbios 19:1 - New Testament Psalms and Proverbs in Mixtec Magdalena Peñasco

¹ Va'a‑ka visi kúnda'vi kúkee o ma te ndimaa sa'a o ja va'a ja ndaa ma, sana ja kava ndee xeen ini o ma te ko kuu o in ñayii tnu'u ja ndimaa xnda'vi o ñayii ma.

Proverbios 19:1 ပူးပေါင်းရင်းမြစ်များ

Salmos 26:11

Kovaa saña chi ni‑yu'u ni‑ini sa kondikin ña'a sa, te kunda'vi ini ña'a ni, te chindee ña'a ni ja na kaku sa nuu ja u'vi ma.

Salmos 37:26

Su'va ndimaa kúnda'vi ini i ñayii nda'vi ma, te wanuu i nawa ka jiniñu'u ñayii nda'vi ma, te ja sukan sa'a i ma, vivii jin ko ni'i jin ko tna'a sa'ya tata i ma.

Proverbios 12:26

Ñayii sa'a ja va'a ja ndaa ma chi kuu skaka i in‑ka ñayii ma ichi va'a ma, kovaa ñayii sa'a ja u'vi ma chi kuan koo i ichi jin skenaa i maa i ma.

Proverbios 14:2

Ñayii ndí ini ja sa'a i ja va'a ma chi yu'u i Su'si ma vaa jini i ja ndakan ya kuenda, kovaa ñayii ndimaa ja u'vi sa'a i ma chi saxiko i Su'si ma.

Proverbios 15:16

Sa'a te jini o ja va'a‑ka kúu ja visi jaku‑ni neva'a o ma, te iyo sii ini o vaa iyo o ji'in Su'si ma iya ndakan kuenda nawa sa'a nawa kúu o ma, sana ja ko ni'i ko tna'a o ma te ñatuu na tnu'u sii ini iyo ini anua o ma ja ndaka ja ndí ini xeen o ma.

Proverbios 16:8

Va'a‑ka ja visi vala‑ni na ni'i o nú sa'a ndaa sa'a ndija o ma sana ja ni'i kua'a o ma te sakui'na o ma.

Proverbios 19:22

Ja játna ini ñayii ma kúu ja ndaka o, te kava va'a kava nda'vi ini o, te va'a‑ka ja ko kunda'vi ko kukee o sana ja kava tnu'u o ma.

Proverbios 20:7

Ñayii sa'a ja va'a ja ndaa ma chi ni‑in ja u'vi ñatuu sa'a i, te jika ndaa i ichi Su'si a, te naka vii naka va'a ka kuu sa'ya ñayii ya'a, vaa jin ndandikin i sukan ni ka yo sa'a yuva i ma.

Proverbios 28:6

Ja va'a‑ka kúu ñayii nda'vi ma ja ndimaa jani va'a ini i te ñatuu nde xnda'vi i in‑ka ñayii ma sana ñayii kúxiku ma te ndee xeen ini i te so'o kaa i ma.

Proverbios 4:24

Te ku'un ini ro ja másu ko ka'an ro tnu'u ndeva'a tnu'u kini ma, te másu ko kua'a ro tnu'u ja ko kuiso kuechi ro ja kuechi ja ká'an ro ma.

Mateo 16:26

¿Na nde jiniñu'u ja in ñayii ma, te visi na koneva'a i ndaka ja iyo ñuu ñayivi a te skenaa i anua i ma? Te nute kuu sa'a i ja ndani'i‑ta'vi i ma chi kuiti ndakua'a ndi'i i ndaka ja neva'a i ma.