Proverbios 18:7 - New Testament Psalms and Proverbs in Mixtec Magdalena Peñasco

⁷ Ja ká'an ñayii so'o xeen kaa ma chi nukun‑tuu maa i ndaka ja u'vi ká'an i ma, te ndando'o ndaneni maa i.

Proverbios 18:7 ပူးပေါင်းရင်းမြစ်များ

Salmos 140:9

Te ndaka ñayii ni ka ndakonduu ña'a ma te ka ka'an ndeva'a i ja kuu sa ma, te ndaka sukan ka ka'an maa i ma jín nukun‑tuu maa i.

Salmos 64:8

Ndaka ja ni ka ka'an, ni ka kachi maa yaa i ma sa'a ja jin skenaa i maa i, te ndaka ñayii jin konde'ya ma chi jin jakundee i ñayii ka ndani'i ka ndatna'a ja u'vi ni ka sa'a maa i ma.

Proverbios 10:14

Ñayii ndichi ma chi ndása'a i kuenda te káji kaji‑ni i tnu'u kuatniñu ma ká'an i, kovaa ñayii ndee ini ma chi masu káji maa i tnu'u ká'an i.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 12:13

Ñayii sa'a ja u'vi ma chi maa ja xnda'vi i ñayii ma nukun‑tuu maa i te ndando'o ndaneni i, kovaa ñayii ká'an ndimaa ja va'a ja ndaa ma chi vivii yanduu yandoso i nuu ndaka tnundo'o kenda ma.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 14:3

Ñayii so'o xeen kaa ma chi ndimaa tnu'u ja savixi i maa i ká'an i, kovaa ñayii ndichi ma chi ndaka tnu'u ká'an i ma chi ja va'a kúu, te kaku i nuu ja u'vi ma.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 18:8

Ñayii tnu'u ma, ñayii ndúku cuentu ma chi ûni vivii ká'an i ja ndákani i nuu in‑ka ñayii ma, te sa'a i ja kénda onde ini anua ñayii ma ja jiña'a i ma.

Proverbios 5:22

Vaa kona'a ro ja ñayii sa'a ja u'vi ma chi maa ja u'vi ni sa'a i ma ndatnii vava'a ña'a te konu'ni vava'a maa i, te kondiso maa i kuechi i ma.

Proverbios 6:2

chi kuenda tnu'u ja ni ju'ni vava'a ro maa ro ja sukan ni ka'an ro ma,