Proverbios 18:6 - New Testament Psalms and Proverbs in Mixtec Magdalena Peñasco

⁶ Ñayii so'o xeen kaa ma chi tnu'u ká'an i ma‑ni, te sa'a i ja skiti tna'a ini i ji'in ñayii ma, te maa tnu'u ká'an i ma sa'a ja jin sa'a ndeva'a ña'a ñayii ma.

Proverbios 18:6 ပူးပေါင်းရင်းမြစ်များ

Proverbios 12:16

Ñayii so'o ma chi yachi‑ni káxtnu'u i ja ndákiti ini i, kovaa ñayii ndichi ma chi masu sánuu i nawa ka ka'an ndeva'a ñayii ma nuu i ma.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 14:16

Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 14:3

Ñayii so'o xeen kaa ma chi ndimaa tnu'u ja savixi i maa i ká'an i, kovaa ñayii ndichi ma chi ndaka tnu'u ká'an i ma chi ja va'a kúu, te kaku i nuu ja u'vi ma.

Proverbios 17:14

Ñayii skeja'a ja kanaa i ma chi kuenda tnu'u ja ni ndakune i in nuu ñu'u ndute kua'a xeen ma te kua'a ja xnaa de ma, sukan kúu i, kovaa yo'o chi va'a‑ka ja kakayata o nuu ñayii yukan sana ja kuka'nu‑ka te kanaa o ji'in i.

Proverbios 19:19

Ñayii yachi‑ni ndákiti ini i ma chi ndo'o neni maa i, te nuna chindee o i ja na ya'a i nuu tnundo'o yukan ma, masu va'a‑ni ja sa'a o sukan ma chi ja chindee o i ja na ndasa'a‑ka tuku i in‑ka jichi ja u'vi ma kúu.

Proverbios 19:29

Jâ iyo tu'va ja jin ndo'o jin neni ñayii ka jatna ini ja ma jin ka'an ndaa i ma, te suni jâ iyo tu'va yutnu xii ja jin ndo'o jin neni ñayii inundee ini ma.

Proverbios 20:3

In jayiñu'u kúu nuu ñayii ñatuu játna ini ja ndi tetna'a ndi tetna'a i jin ko kuu i ma, kovaa ñayii ñatuu jáku'ni ini ma chi ni masu kanda i chi ndeva'a‑ni ora chi skeja'a maa i ja kanaa i ji'in in‑ka ñayii ma.

Proverbios 22:10

Máko kuan‑ta'vi ni ñayii ndee ini te so'o kaa i ma nuu iyo ni a, sukan‑va'a na naa maa ja u'vi ma te masu na in kanaa‑ka, te ni a ko skiti tna'a‑ka ini i.

Proverbios 25:24

Va'a‑ka ja visi titi'i na koo o in ve'e yoxtnee onde xini ve'e ma sana ja koo o in ve'e ka'nu ji'in in ña'a ndimaa ndónda ña nuu o ma.

Proverbios 27:3

Yuu ma ji'in ñuti ma inuvee xeen te tnundo'o xeen ja kondiso o, kovaa tnundo'o xeen‑ka ja kanda o kondiso o ja ndákiti ini ñayii ndee ini ma.

Proverbios 29:9

Nú in ñayii ndichi ma, te jakituu tna'a i ji'in in ñayii ndee ini ma, chi masu nawa kundee kuiti i, vaa ñayii ndee ini ma chi kuu ndakiti ini i xi jakundee i ñayii ndichi ma‑ni.