Proverbios 18:4 - New Testament Psalms and Proverbs in Mixtec Magdalena Peñasco

⁴ Tnu'u ká'an ñayii ndichi ma, sukan kúu nuu ñu'u kua'a ndute ma xi sukan kúu nuu tóo kua'a de ma, sukan ka kuu tnu'u ká'an i ma.

Proverbios 18:4 ပူးပေါင်းရင်းမြစ်များ

Salmos 78:2

Ká'an sa tnu'u ndichi ja ka iyo yu'u onde xi'na xeen‑ka ma, sukan‑va'a jín ndasa'a o kuenda.

Proverbios 10:11

Kovaa ñayii sa'a ja va'a ja ndaa ma chi sa'a i ja kúu sii ini xeen o te ndáni'i o tnu'u kanu ini, kovaa ñayii sa'a ja u'vi ma chi ndando'o ndatna'a xeen maa i ja u'vi sa'a i ma.

Proverbios 13:14

Ndaka tnu'u va'a káxtnu'u ñayii ndichi ma chi suu i chindee ña'a ja kaku o ja ma ki'in o ichi nuu skenaa o maa o ma, te koteku o.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 18:3

Ñayii sa'a ja u'vi ma chi ka saxiko ña'a ñayii ma, te ndátna'a maa i ja kan‑nuu ja sukan vixi kaa i ma.

Proverbios 20:5

Sukan kúu ndute ñu'u in soko kunu ma, sukan kuu ja jani ini ñayii ma ini anua i ma, te ñayii ndichi ma chi jakun‑tnuni‑ni ini i nawa kúni ñayii ma ka'an i ma.

Mateo 12:34

¡Kovaa ndijin chi sa'ya tata koo ma ka kuu ni! Vaa ini anua ni a ka ñu'u chitu ja u'vi, te chukan kúu ja masu kuu jin ka'an ni tnu'u va'a. Vaa ja ñu'u chitu ini anua o ma kúu ja ká'an yu'u o a.

Juan 4:14

kovaa ñayii jin ko'o ndute kua'a sa ma, masu jin ko yichi‑ka i, vaa onde ini anua ñayii jin kuan‑ta'vi ndute kua'a sa ma ko kuu sukan kúu nuu tóo ndute ja masu nde ndi'i de ma, te jin koteku i ni‑kani ni‑jika ―‍kúu ya jiña'a ya.

Colosenses 3:16

Te nanimaa tnu'u Su'si ma na jin kun‑nee ini anua ndaka ni a, te jin ndakaxtnu'u nuu tna'a ni, te ndimaa tnu'u ndichi ko kuu tnu'u jin ndaka'an‑so'o nuu tna'a ni a. Te ini anua ni a koo tnu'u sii ini, te jin kata ni yaa salmos ma, ji'in yaa ká'an sukan sa'a Iya Tátnuni ma ja jin kuu o ma, sukan‑va'a na koo jayiñu'u ya ma.

Colosenses 4:6

Ndaka ja jin ka'an ni ma, te jin ka'an ni tnu'u vii tnu'u va'a tnu'u kuatniñu, sukan‑va'a nawa jin ko kakan‑tnu'u ña'a ñayii ma, te jin ni'i ini ni naxe jin ndakone'e ni nuu ndi‑in ndi‑in i ma.