Proverbios 18:21 - New Testament Psalms and Proverbs in Mixtec Magdalena Peñasco

²¹ Vaa nuna ka'an maa ñayii ja va'a ma te koteku kani i, kovaa nú ma ko koto va'a maa i tnu'u ká'an i ma chi maa tnu'u ká'an i ma sa'a ja kûu‑ni i.

Proverbios 18:21 ပူးပေါင်းရင်းမြစ်များ

Salmos 12:5

Kovaa sa'a ká'an Iya Tátnuni ma: “Ja kuechi ja ka sa'a ndeva'a ñayii ma ñayii nda'vi ñayii kee ma, te vitna, te ndokuiñi o, te sa'a o ja jin kaku ñayii ka kuxii ka kunda'vi ini ma, ja ka ndo'o ka neni i nuu in‑ka ñayii ma”, kúu ya ká'an ya.

Proverbios 10:31

Ndimaa tnu'u ndichi ká'an káchi ñayii sa'a ja va'a ja ndaa ma, kovaa ja ká'an ñayii so'o ñayii ndee ini ma masu nde kuatniñu o.

Proverbios 11:30

Ñayii sa'a ja va'a ja ndaa ma chi sa'a i ja jin koteku ñayii ma, vaa ñayii ndichi kúu i, te ja sa'a i ma sa'a ja jin kandija ñayii ma Su'si ma te jin ndani'i ta'vi i.

Proverbios 12:13

Ñayii sa'a ja u'vi ma chi maa ja xnda'vi i ñayii ma nukun‑tuu maa i te ndando'o ndaneni i, kovaa ñayii ká'an ndimaa ja va'a ja ndaa ma chi vivii yanduu yandoso i nuu ndaka tnundo'o kenda ma.

Proverbios 21:23

Ñayii jito va'a i yu'u i ma yaa i ma ja ñatuu nde ká'an i tnu'u masu nde kuatniñu ma chi iyo sii ini i, vaa masu na nde kívi nduu kívi ni'ni i nuu tnundo'o ma.

2 Corintios 11:15

Chukan kúu ja masu ja ko sanuu o kúu, vaa suni tee ka jinukuechi nuu tachi ma chi ka ndane'e de, te ka xnda'vi ña'a de ja ka jinukuechi de nuu Su'si ma. Kovaa ja sukan ka sa'a ka kuu de ma, te sukan ndaxndo'o ndaxneni‑ka ña'a Su'si ma.

2 Corintios 2:16

Vaa nuu ñayii jin skenaa maa i ma chi ja vii ja va'a sa'a tnu'u Su'si a ini anua o a chi ñatuu ka jatna ini i, vaa kuenda tnu'u ja sukan jáxiko in ñayii jâ ni ji'i ma kúu ka jani ini i. Kovaa nuu ñayii jin ndani'i ta'vi ma chi kénda vivii tnu'u Su'si ma kuenda tnu'u ja jáxiko asi, te sa'a i ja koteku o. Te chukan kúu ja masu ndeva'a‑ni ñayii kuu kaxtnu'u tnu'u Su'si o a.

Efesios 4:29

Ñatuu ni‑in tnu'u ndeva'a ko kee yu'u ni a, ja kuña'a ni nuu tna'a ni ma, su'va tnu'u ká'an ni ma ko kuu tnu'u kuatniñu, sukan‑va'a jin chindee tna'a ni ja jin koo va'a‑ka ni nuu Su'si ma. Te ja sukan jin sa'a ni ma, te vivii jin kuatnu'u ini ña'a ñayii ka niniso'o ña'a ma.

Colosenses 4:6

Ndaka ja jin ka'an ni ma, te jin ka'an ni tnu'u vii tnu'u va'a tnu'u kuatniñu, sukan‑va'a nawa jin ko kakan‑tnu'u ña'a ñayii ma, te jin ni'i ini ni naxe jin ndakone'e ni nuu ndi‑in ndi‑in i ma.

2 Pedro 2:18

Vaa vivii ka ka'an i ora ka kaxtnu'u i ma, kovaa masu nde jiniñu'u ja ka ka'an i ma, vaa ka ka'an i ja kuu jin sa'a ñayii ma sukan ka kuni maa yikikuñu i ma, te ñayii yika ni ka nde koo nuu ja u'vi ma, te ka sa'a i ja ka ndakokuiñi tuku ñayii nda'vi yukan in‑ka tuku jichi nuu ja u'vi ma.