Proverbios 18:10 - New Testament Psalms and Proverbs in Mixtec Magdalena Peñasco

¹⁰ Su'si ma chi sukan kúu in ve'e núkuiñi vava'a kúu ya nuu ñayii sa'a ja va'a ja ndaa ma, vaa nuu maa ya ma jinu i kua'an i, ja na kaku i nuu ja u'vi ma te koo va'a i nuu ya.

Proverbios 18:10 ပူးပေါင်းရင်းမြစ်များ

Salmos 144:2

Te maa ya kúu iya ka ketna'a ini ji'in sa, te kútoo ña'a ya, te másu xndoo ña'a ya, vaa maa ya sa'a ja kaku sa nuu ja u'vi ma, vaa sukan kúu in ve'e sukun kúu ya, te kuu chu'u sa, sukan‑va'a kaku sa nuu ñayii ñatuu ka kunimani nuu sa ma. Te kúkanu ini sa ja maa ya kúu iya jasi ndee jasi ndoso ña'a ja ñatuu ni‑in ja u'vi kaki'i ña'a, te maa ya kúu iya sa'a ja sava‑ka ñuu ma, kúu tátnuni sa nuu i.

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 20:2

Onde nuu ii iyo ya ma, te na koo tu'va ya ja chindee ña'a ya, te onde nuu iyo ya yuku nani Sion ma, te na chindee ña'a ya ja konukuiñi vava'a ni.

Salmos 27:1

Iya Tátnuni ma kúu ñu'u xtnuu nuu sa a ja ndása'a sa kuenda, te maa ya sa'a ja kaku sa nuu ja u'vi ma, te ñatuu na in sa'a ja koyu'u sa. Vaa Iya Tátnuni ma kúu iya táa tnu'u ndee tnu'u ndatnu ja koteku sa. Chukan kúu ja masu na in sa'a ja koyu'u sa.

Salmos 91:14

Sa'a ka'an ya: “Ja kutoo ña'a ñayii kándija ja ká'an o ma, te maa o sa'a ja kaku i nuu ndaka ja u'vi ma. Te sonee sukun o i, vaa jâ ni jini i na in kúu o.

Salmos 91:2

Kuña'a sa nuu Iya Tátnuni ma: “Maa ni kúu nuu kuu chu'u sa. Maa ni kúu ve'e sa ja núkuiñi vava'a. Maa ni kúu Su'si sa ja kúkanu ini ña'a sa”, kuña'a sa ya.

Proverbios 14:26

Ja koyu'u o Su'si ma te ma ko sa'a‑ka o ja u'vi ma vaa iya ndakan kuenda kúu ya ma chi sa'a i ja kukanu ini xeen o ya ja ko koto ña'a ya te ko koto ya sa'ya tata o ma.

Proverbios 29:25

Ñayii koyu'u in‑ka ñayii ma chi ja xnda'vi ña'a ja u'vi ma kúu, kovaa ñayii kúkanu ini Su'si ma chi koo va'a i te koo jayiñu'u i.

Mateo 1:23

Jin kuni ni ja in suchi jaa, ku'un sa'ya i, te kâku in suchi yii, te jin xnani i suchi ma Emanuel, kúu de ká'an de. Te Emanuel ma kúni ka'an “Su'si ma iyo ji'in o”.

Apocalipsis 1:8

Te ka'an Su'si Iya Tátnuni ma: “Maa sa kúu letra xinañu'u ma, te maa sa kúu letra sandi'i‑nka ma, te maa sa ni skeja'a ndaka ja iyo a, te maa sa sinu ndaka”, kúu ya ká'an ya. Te maa ya iyo vitna, te maa ya iyo onde xinañu'u ma, te maa ya ndii ma, te maa ya kúu iya kúu sa'a ndaka ma.