Proverbios 17:8 - New Testament Psalms and Proverbs in Mixtec Magdalena Peñasco

⁸ Ñayii ni kaan ja ndimaa wa'a i xu'un in‑ka ñayii ma te ní'i i nawa kúni i ma, chi jani ini i ja iyo xeen tnu'u ndatnu i, vaa ndimaa kúndee i ní'i i ndaka nawa kúni i ma.

Proverbios 17:8 ပူးပေါင်းရင်းမြစ်များ

Salmos 18:16

Onde sukun ma iyo ya, te ni skuili ya nda'a ya ma, te ni ndatava ña'a ya onde ka'a ndute mar ma.

Salmos 19:6

In lado ma kána kandii ma, te kée i in‑ka lado ma, te ni‑in ja iyo ñuu ñayivi a, másu kuu chu'u i nuu ka'ni kandii ma.

Salmos 21:13

Iya Tátnuni, vaa iyo tnu'u ndee tnu'u ndatnu ni ma, te maa ni iyo ja ndani'i ni jayiñu'u ma, te chukan kúu ja jin kata sa te jin ndachiñu'u ña'a sa, vaa ni kundee ni ma, vi Su'si.

Salmos 29:4

Vaa ja ká'an Iya Tátnuni ma chi ûni nini'i ká'an ya ja tátnuni ya ma, te maa in‑ni ya iyo jayiñu'u ma.

Proverbios 17:23

Ñayii sa'a ja u'vi ma chi játna ini i ja yuyu'u‑ni tnii i xu'un ma, te masu ka'nde ndaa i tniñu ñayii ni sa'a ja u'vi ma.

Proverbios 18:16

Ñayii yinda'a yija'a ja kua'a i ñayii jito ye'e ma chi chindee ña'a ñayii yukan ja kenda i onde nuu ka iyo ñayii ka ndanuu ndánduku i ma.

Proverbios 21:14

In ja masu ndetu ñayii ma, te sanaa sanaa‑ni jin skuta'vi ña'a i ma chi visi ndákiti xeen ini maa i ora yukan, kovaa ndusii ini xeen i ja sukan ni kuta'vi i in ja masu ndetu i ma.