Proverbios 17:7 - New Testament Psalms and Proverbs in Mixtec Magdalena Peñasco

⁷ Ñayii masu ndása'a kuenda ma te vivii ká'an i te ndúku i ja xnda'vi i in‑ka ñayii ma, chi ma kee va'a i. Te ni a tee tátnuni ma te ma ka'an ndaa de te xnda'vi de ñayii ma, masu kee va'a tna de.

Proverbios 17:7 ပူးပေါင်းရင်းမြစ်များ

Salmos 31:18

Sa'a ni ja jin nduñi'i ñayii ka ka'an tnu'u ñayii ka sa'a ja va'a ja ndaa ma. Vaa másu nde ka tnii i kuenda, te ka ka'an ndeva'a i, te ka saxiko i ñayii ka sa'a ja va'a ja ndaa ma.

Proverbios 12:19

Ñayii ká'an ndaa ká'an ndija ma chi ni‑kani ni‑jika koo i, kovaa ñayii ká'an tnu'u ma chi nunuu‑ni koo i te naa i.

Proverbios 12:22

Su'si Iya Tátnuni ma chi saxiko ya ñayii tnu'u ma, kovaa játna ini ya sukan ka sa'a ka kuu ñayii ka sa'a ja va'a ja ndaa ma.

Proverbios 19:10

Masu va'a‑ni ja ñayii so'o xeen kaa ma, te ko ni'i ko tna'a i kua'a ja vii ja va'a ma, te ni masu va'a‑ni ja ko tatnuni i nuu sa'ya tee ka ndanuu ma.

Proverbios 24:7

Ñayii so'o te ndee ini i ma chi masu na tnu'u ndichi neva'a i ja ka'an i ora iyo nawa ka ndatnu'u tna'a ñayii ma in tnu'u kanuu ma, vaa masu ni'i ini maa i nawa ka'an i ma.

Proverbios 26:1

Masu va'a‑ni ja kuun yu'va tiempu jite viyu ma, te ni masu va'a‑ni ja kuun savi tiempu iyo ja ndaxtutu o itu o ma, vaa ndi'i xtivi savi ma, te suni sukan kúu ji'in ñayii ndee xeen ini i ma, masu iyo i ja koo jayiñu'u i ma.

Proverbios 26:7

Sukan kúu ja'a ñayii ma ja ñatuu ka kanda ma te masu nde kúu kaka i ma, sukan ka kuu tnu'u ndichi ká'an suchi ñatuu ndása'a kuenda ma, vaa masu jin kandija ñayii ma sukan ká'an i ma.

Proverbios 29:12

Nú tee tátnuni ma, te kándija de tnu'u xnda'vi tna'a ma, chi sa'a de ja ndaka tee ka jinukuechi ji'in de ma ka sa'a tna ja u'vi sukan kúu maa de ma.

Proverbios 6:17

Ñayii ndee xeen nuu i ma ja jani ini i ja maa i kúu‑ka ma, ñayii ka'an tnu'u ma, ñayii ja'ni ñayii ñatuu na kuechi ma,

Mateo 7:5

Masu ndasa'a ni kuenda tnu'u ká'an ni a, vaa ká'an ni te masu sa'a ni sukan ká'an ni ma. Xinañu'u‑ka tava ni vitu ka'nu ñunee nuu maa ni a, te sukan saa kuu konde'ya va'a ni, sukan‑va'a kuu ndatava ni mi'i ñunee nuu tna'a ni ma.