Proverbios 17:24 - New Testament Psalms and Proverbs in Mixtec Magdalena Peñasco

²⁴ Ñayii jáku'ni ini ma chi ndí ini i naxe ni'i‑ka i tnu'u ndichi Su'si ma te ni'i ini i naxe koo i ñuu ñayivi a, kovaa ñayii sa'a so'o nuu Su'si ma chi jani ya'a jani yukan‑ni ini i, te masu ñu'u ini i ja koo va'a i nuu Su'si ma.

Proverbios 17:24 ပူးပေါင်းရင်းမြစ်များ

Salmos 119:37

Te máko kua'a ni tnu'u ja ko kukanu ini sa ndaka ja masu nde jiniñu'u ma, su'va chindee ña'a ni, te kóteku sa, te kóndikin sa ichi maa ni a.

Proverbios 14:6

Ñayii ká'an ndeva'a ja kuu in‑ka ñayii ma chi visi na ndanduku i tnu'u ndichi ma, kovaa masu ndani'i i, kovaa ñayii jáku'ni ini te ndása'a i kuenda ma chi masu yii ja ndani'i i tnu'u ndichi ma.

Proverbios 15:14

Ñayii jáku'ni ini ma chi su'va ndánduku‑ka i tnu'u ndichi Su'si ma, kovaa ñayii so'o xeen kaa ma chi kua'a‑ka ja u'vi ndúku i ja sa'a i.

Proverbios 17:25

Tee neva'a sa'ya de suchi so'o xeen kaa ma chi sa'a i ja ndákiti ini yuva i ma te kúkan‑nuu de ja sukan kúu i ma, te sa'a i ja kúxii xeen ini si'i i ma.

Proverbios 23:5

vaa kona'a ni ja ko ni'i ko tna'a o ma chi masu na nde jiniñu'u, vaa nunuu‑ni koneva'a o sani te kua'an maa i. Sukan kuu ya'a tioko ma ja kúu ndáva ndáva‑ni ti ndáa ti kua'an ti sani te ni masu kuni‑ka o ti ma, sukan‑ni kúu ja ko kuxiku o ma.

Juan 7:17

Nú na in kúni ja sa'a i sukan kúni Su'si ma, kuu ndakuni i tnu'u káxtnu'u sa a, nú tnu'u vee nuu Su'si ma kúu, xi ká'an maa sa sukan jani ini maa sa.

1 Juan 2:16

Vaa ndaka ja iyo ñuu ñayivi a masu nuu Yuva o ma vee, nú masu ja maa ne'un ñayii ma. Te cha'a kúu ja táa ñuu ñayivi a: ja ku'un ini o ja u'vi ma, ji'in ja ku'un ini o ja koneva'a o nawa játna ini o ma, ji'in ja sa'a o tnu'u ja maa o kuu‑ka ma.