Proverbios 17:16 - New Testament Psalms and Proverbs in Mixtec Magdalena Peñasco

¹⁶ Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Proverbios 17:16 ပူးပေါင်းရင်းမြစ်များ

Proverbios 14:6

Ñayii ká'an ndeva'a ja kuu in‑ka ñayii ma chi visi na ndanduku i tnu'u ndichi ma, kovaa masu ndani'i i, kovaa ñayii jáku'ni ini te ndása'a i kuenda ma chi masu yii ja ndani'i i tnu'u ndichi ma.

Proverbios 18:15

Ñayii jáku'ni ini ma chi ndí ini i ja kutu'va‑ka i, te ñukuun‑ka niniso'o i tnu'u ndichi ka ka'an ñayii ndichi ma.

Proverbios 23:23

Ko ndi ini ja kutu'va‑ka ro tnu'u ndaa tnu'u ndija maa Su'si ma ji'in tnu'u ndichi ma ji'in ja naxe ko sa'a ko kuu ro te koo va'a‑ka ro nuu Su'si ma ji'in ja ni'i ini ro naxe ndasa'a ro kuenda nde a kúu ja va'a ma te ko sa'a ro ma te nde a kúu ja masu va'a ma te másu ko sa'a ro, te másu ko ndaxiko ro ndaka cha'a.

Proverbios 24:7

Ñayii so'o te ndee ini i ma chi masu na tnu'u ndichi neva'a i ja ka'an i ora iyo nawa ka ndatnu'u tna'a ñayii ma in tnu'u kanuu ma, vaa masu ni'i ini maa i nawa ka'an i ma.

Juan 3:20

Vaa ndaka ñayii ka sa'a ja u'vi ma, ñatuu ka jatna ini i nuu xtnuu ya ñu'u maa ya ma, te ñatuu kí koo i nuu xtnuu ya ñu'u maa ya ma, sukan‑va'a ñatuu na in ko ndakuña'a ja ja u'vi kúu ja ka sa'a i ma.

Hechos 13:46

Pablo ma ji'in Bernabé ma, masu ni ka yu'u de, te ni ka ndakone'e de: ―‍Ja kúni Su'si ma nkuu ja xinañu'u‑ka nuu ndijin ja ka kuu ni judío ma jin kaxtnu'u sa tnu'u Su'si ma nkuu. Kovaa maa ni, ñatuu ka jan‑ta'vi ni ja suu ni jin ko kuu ñayii jin koteku ni‑kani ni‑jika nuu Su'si ma. Te chukan kúu ja vitna chi jin koo sa nuu ñayii masu judío ka kuu i ma,

2 Corintios 6:1

Chukan kúu ja saña ja ka jinukuechi sa nuu Su'si ma, te ka ndaka'an‑so'o sa nuu ni ja másu ko jin saxiko ni ja vii ja va'a ni skuta'vi ña'a ya ma.