Proverbios 17:14 - New Testament Psalms and Proverbs in Mixtec Magdalena Peñasco

¹⁴ Ñayii skeja'a ja kanaa i ma chi kuenda tnu'u ja ni ndakune i in nuu ñu'u ndute kua'a xeen ma te kua'a ja xnaa de ma, sukan kúu i, kovaa yo'o chi va'a‑ka ja kakayata o nuu ñayii yukan sana ja kuka'nu‑ka te kanaa o ji'in i.

Proverbios 17:14 ပူးပေါင်းရင်းမြစ်များ

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 14:29

Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 15:1

Nú tnu'u vii tnu'u kuee kúu tnu'u ndákone'e o nuu ñayii ndákiti ini ma chi ndiko ini i, kovaa nú tnu'u xiko tnu'u ndi'vi ma na ndakone'e o chi su'va ndakiti‑ka ini i.

Proverbios 16:32

Ja va'a kúu ja kava kuee ini o ma sana ja ko kuyachi ini o te ndimaa ko kanaa o ma, te ja va'a‑ka kúu nú kúndee o kánda o te kaa kuee ini o ma sana ja kundee o tatnuni o nuu ñayii kua'a iyo in ñuu ma.

Proverbios 17:19

Ñayii játna ini ja kanaa i ma te su'va su'va ndúku i ñayii xtna'a i ma, te ja sukan kúu maa i ma chi masu ndóñu'u na in kene'e ta'vi ña'a.

Proverbios 19:11

Ñayii ndichi te ndasa'a i kuenda ma chi kutu'va i ja kava kuee ini i, te jayiñu'u i kúu ja ni sakanu ini i ja u'vi ni sa'a ña'a in‑ka ñayii ma.

Proverbios 20:3

In jayiñu'u kúu nuu ñayii ñatuu játna ini ja ndi tetna'a ndi tetna'a i jin ko kuu i ma, kovaa ñayii ñatuu jáku'ni ini ma chi ni masu kanda i chi ndeva'a‑ni ora chi skeja'a maa i ja kanaa i ji'in in‑ka ñayii ma.

Proverbios 25:8

Nú nawa ni jini ni ja ka sa'a ñayii ma, te máko ki'in kunu ni jin kua'a ni kuenda nuu tee ka netniñu ma, nasa yukan, te kenda in‑ka ñayii te ka'an i ja suni ni jini tna i te ka'an i ja masu ja ndaa kúu ja ká'an ni ma, te ma ni'i ini‑ka ni naxe sa'a ni te tna'a ni ja kan‑nuu.

Proverbios 26:21

Nú ñu'u tikayi ma chi ñu'u ñu'u‑ni ñu'u ma, te nuna ndatnaa o tutnu ma chi sani te ndandu'va vava'a ñu'u ma, te suni sukan kúu tna ñayii játna ini ja kanaa kanaa‑ni i ma chi nuu‑ni nuu‑ni sa'a i ja ka kanaa ñayii ma.

Proverbios 29:22

Tee ndimaa ndákiti ini ma chi ndimaa ja kanaa de kúni de, kovaa ja sukan kúu de ma chi ndimaa jiso kuechi de.

Romanos 12:18

Jin nduku ni naxe jin sa'a ni, sukan‑va'a jin koo mani ni ji'in ndaka ñayii ma.

1 Tesalonicenses 4:11

Te jin ko ndi ini ni ja jin koo mani ni, te jin katanuu ni na tniñu ka sa'a ni, te jin satniñu ni ji'in nda'a ni a, sukan‑va'a jin ni'i ni ja jin kaa ni, sukan ni ka kaxtnu'u sa ma,