Proverbios 17:10 - New Testament Psalms and Proverbs in Mixtec Magdalena Peñasco

¹⁰ Ñayii ndása'a kuenda ma chi ja ka ndaka'an‑so'o ñayii ma nuu i ma, sani te jáku'ni ini i, kovaa ñayii ndee ini ma chi visi cientu jichi na jin kua'a ña'a i yutnu xii chi masu jaku'ni ini i.

Proverbios 17:10 ပူးပေါင်းရင်းမြစ်များ

Salmos 141:5

¡Naka vii naka va'a ko kuu ja ñayii sa'a ja va'a ja ndaa ma, te suu i jin ko kuu ñayii jin ndaka'an‑so'o nuu sa a, nú masu va'a‑ni sa'a sa ma! Chi ja sukan ma chi kuenda tnu'u ja sukan kúu ndute jáxiko asi ka chi'i ñayii ma maa i ma ko kuu ja ndaka'an‑so'o ñayii ma nuu sa ma. Te saña chi koniniso'o sa ja ndaka'an ja ndakachi i nuu sa ma, te ma saxiko sa, vi Su'si. Visi tnundo'o xeen sukan jin ndaka'an‑so'o i ma, kovaa saña chi kakan‑ta'vi kakan‑ta'vi sa nuu ni ja ñayii ka sa'a ja u'vi ma, te máko jin ko sa'a‑ka i, vi Su'si.

Proverbios 13:1

Suchi ndichi ma chi jan‑ta'vi i ja ndáka'an so'o yuva i ma nuu i, kovaa suchi so'o xeen kaa ma chi masu nde kándija i ja ndáka'an so'o yuva i ma nuu i.

Proverbios 15:5

Suchi so'o xeen kaa ma chi saxiko i tnu'u ndáka'an‑so'o yuva i ma nuu i ma, kovaa suchi jan‑ta'vi ma chi káxtnu'u i ja suchi jáku'ni ini kúu i te ko kuu i in ñayii ndichi.

Proverbios 17:11

Ñayii kívi nduu kívi ni'ni ma chi ndimaa ndúku i na in kanaa ji'in i, te ja sukan sa'a sukan kúu i ma chi kenda in ñayii kene'e ta'vi ña'a.

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Proverbios 19:25

Suchi ñatuu ka jandetu nuu yuva i ma te kani de i ma chi jin kuni jaku‑ka i ma, te jin koyu'u i, te ma jin sa'a‑ka i ja u'vi ma, vaa suchi ndichi ma chi ndaka ja na ndaka'an‑so'o o nuu i ma, sani te jaku'ni ini i ja sa'a i ja va'a ma.

Proverbios 27:22

Ñayii ndee xeen ini i ma te játna ini i ja sa'a so'o i ma, visi na xndo'o xneni xen‑xeen o i, kovaa ni masu jaku'ni ini maa i.

Proverbios 29:19

Ñayii jinukuechi ma chi visi na ka'an na ka'an o nuu i kovaa masu ndasa'a i kuenda, vaa visi jaku'ni ini i ja jiña'a o ma, kovaa sa'a so'o i maa i te ñatuu kándija i ja ká'an o ma.

Apocalipsis 3:19

Vaa ru'u ya chi ndáka'an‑so'o ri nuu ñayii kútoo ri ma na kuechi sa'a i ma, te xndo'o xneni ri i. Chukan kúu ja, va'a‑ka ja ndakani ndaka'vi ini ro te ndakatanuu ña'a ro.