Proverbios 16:6 - New Testament Psalms and Proverbs in Mixtec Magdalena Peñasco

⁶ Ñayii ûni kútoo ndija Su'si ma te sa'a i ja va'a ja ndaa ma chi ñatuu na kuechi kondiso i nuu Su'si ma. Ñayii yu'u Su'si ma ja iya ndákan kuenda kúu ya ma chi xndoo i ichi u'vi ma.

Proverbios 16:6 ပူးပေါင်းရင်းမြစ်များ

Salmos 85:10

Tnu'u nda'vi ini ma ji'in tnu'u ndaa ma, ni ka ndatna'a i. Tnu'u va'a tnu'u ndaa ma ji'in tnu'u kuee ma, ni ka ketna'a ini i.

Proverbios 14:16

Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 14:2

Ñayii ndí ini ja sa'a i ja va'a ma chi yu'u i Su'si ma vaa jini i ja ndakan ya kuenda, kovaa ñayii ndimaa ja u'vi sa'a i ma chi saxiko i Su'si ma.

Proverbios 14:27

Sukan kúu nuu tóo kua'a ndute ma, sukan kúu ja koyu'u o Su'si ma te ma ko sa'a‑ka o ja u'vi ma, vaa sa'a ya ja koteku o, sukan‑va'a ma jin tu'va o nuu kûu o te skenaa o maa o ma.

Proverbios 16:5

Su'si ma chi saxiko ya ñayii inuvixi xeen ka ndaa i ma te ka jani ini i ja maa i ka kuu‑ka ma, te ja sukan ka sa'a i ma chi masu yanduu ja ndaxndo'o ndaxneni ña'a Su'si ma, vaa iya sa'a ndaa kúu ya.

Proverbios 20:28

Tnu'u nda'vi ini ma ji'in tnu'u ndaa tnu'u ndija ma kúu ja chíndee chítuu rey ma ja núkoo va'a de tátnuni de ma.

Proverbios 3:3

Másu ko ndunaa kuiti ro ja ko sa'a ro ja ndaa ja ndija ma. Te ko kutoo ndija ro in‑ka ñayii ma, te ku'un ku'un‑ni ini ro ja sukan ko sa'a ro ndaka kivi nde kua'an nde vee ro. Ûni másu ko ndunaa ro.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Lucas 11:41

Jin ndakua'a ni ja ka neva'a ni a nuu ñayii nda'vi ma, te ni‑ka'nu ni jin nduvii.

Juan 15:2

Nú in nda'a tnu ma ñatuu kúun uva ma chi ka'nde ya, te xtandiyo ya. Kovaa nú kúun uva ma chi ndaka'nde vivii ya nda'a tnu ma, sukan‑va'a kuun kua'a‑ka uva.

Hechos 15:9

Masu ni sa'a siin ya ñayii yukan ji'in yo'o, su'va ni sa'a ya ja ni ka kandija i ma, te sukan ni ndasavii ya ini anua i ma.

2 Corintios 7:1

Chukan kúu ja ndijin ja kútoo ña'a sa, nú sukan ni skuiso Su'si ma ja jin ni'i o ndaka ja vii ja va'a ja taa ya ma, jín ku'un ini o ja máko jin sa'a o ni‑in ja u'vi ja játna ini yikikuñu o a ja sa'a o ma, te ni a in ja u'vi máko jin kua'a o tnu'u ja kun‑nee i ini anua o a, sukan‑va'a jin koo vii jin koo ndoo ni‑ka'nu ni‑tu'u o nuu Su'si ma. Te máko jin sa'a‑ka o ni‑in‑ka ja u'vi ma, vaa ka na'a o ja nde'ya ña'a Su'si ma, te ndakan ya kuenda nuu o a.

Efesios 5:21

Jín kuandetu nuu tna'a ndi‑in ndi‑in o, vaa ka na'a o ja nde'ya ña'a Su'si ma.

1 Pedro 1:22

Te vitna chi jâ ni ka nduvii ini anua ni a, vaa ka kandija ni ja ndaa ja káxtnu'u Xtumani Ndios ma, te ûni jín kutoo tna'a ndija ndi‑in ndi‑in o. Te chukan kúu ja ni‑yu'u ni‑anua o jín kutoo tna'a o, te in‑ni ja jin kani ini o.