Proverbios 16:32 - New Testament Psalms and Proverbs in Mixtec Magdalena Peñasco

³² Ja va'a kúu ja kava kuee ini o ma sana ja ko kuyachi ini o te ndimaa ko kanaa o ma, te ja va'a‑ka kúu nú kúndee o kánda o te kaa kuee ini o ma sana ja kundee o tatnuni o nuu ñayii kua'a iyo in ñuu ma.

Proverbios 16:32 ပူးပေါင်းရင်းမြစ်များ

Salmos 103:8

Iya nda'vi xeen ini kúu ya, te ka'nu xen‑xeen ini ya te kuee ini ya, vaa ñatuu ndákiti yachi ini ya.

Proverbios 14:29

Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 16:19

Va'a‑ka ja na kani ini o ja masu nawa kúu o te koo o ne'un ñayii nda'vi ma, sana ja ko ni'i ko tna'a o ma te koo o ne'un ñayii ka jani ini ja maa i ka kuu‑ka ma.

Proverbios 16:31

Ñayii jâ ni kuu nija'nu te jâ ni vixi xini i ma chi jayiñu'u kúu nú ni yo sa'a i ja vii ja ndaa ma.

Proverbios 16:33

Ñayii ma chi ja ñu ini maa i‑ni te jani ini i naxe sa'a i ma, kovaa masu nde ndása'a i kuenda ja Su'si ma kúu iya ka'an nú saa xi ña'a.

Proverbios 19:11

Ñayii ndichi te ndasa'a i kuenda ma chi kutu'va i ja kava kuee ini i, te jayiñu'u i kúu ja ni sakanu ini i ja u'vi ni sa'a ña'a in‑ka ñayii ma.

Proverbios 25:15

Ja ka'an kuee o nuu tee netniñu ma chi sa'a i ja ma ndakiti ini de te kuu kunda'vi ini ña'a de nawa jikan o ma.

Proverbios 25:28

Sukan kúu in ñuu ja masu nawa ndesi va'a ña'a ma, sukan kúu in ñayii ñatuu kúu tatnuni nuu maa i sukan‑va'a ma sa'a i ni‑in ja u'vi ma.

Romanos 12:21

Máko kua'a ni tnu'u ja kundee ja u'vi ma nuu ni, su'va ja ko sa'a ni ja va'a ma, te kundee ni nuu ja u'vi ma.

Efesios 5:1

Yo'o ja ka kuu o sa'ya too Su'si ma, jín sa'a o sukan sa'a maa ya ma.

Santiago 1:19

Chukan kúu ja kútoo ña'a maa sa, ndijin ja ni ka nduu o sa'ya Su'si o a, te jin koo ñama ni ja jin koniniso'o ni, te jin kava kuee ini ni ora jin ka'an ni ma, te má jin ndakiti yachi ini ni.

Apocalipsis 3:21

’Nú na in kundee ja sa'a i ja va'a ma, te kua'a ri tnu'u ja kunukoo i ji'in ri nuu tatnuni ri ma, sukan tna ni kundee ri ma, te ni jinkoo ri ji'in Yuva ri ma nuu núkoo ya ja tátnuni ya ma.