Proverbios 16:28 - New Testament Psalms and Proverbs in Mixtec Magdalena Peñasco

²⁸ vaa ñayii sa'a nanimaa ja u'vi ma chi sa'a i ja ka kanaa ñayii ma, te ñayii tnu'u ma chi sa'a i ja ka ndakiti ini nuu tna'a ñayii ka ketna'a ini ma.

Proverbios 16:28 ပူးပေါင်းရင်းမြစ်များ

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 16:27

Ñayii nanimaa ja u'vi ñu'u ini anua i ma chi ndimaa jani ini i naxe sa'a‑ka i ja u'vi ma, te sukan sa'a ñu'u káyu kóko ma ja xnaa ndi'i i nawa iyo nuu káyu ma, sukan ka kuu tnu'u ká'an i ma,

Proverbios 16:29

Ñayii nde'e xeen kaa ini ma chi xnda'vi i in‑ka ñayii ma te skaka i ñayii ma ichi u'vi ma,

Proverbios 17:17

Ñayii kétna'a ndija ini ji'in in‑ka ñayii ma chi ni‑kani ni‑jika kútoo i ñayii yukan, te kivi kénda tnu'u xii ini ma chi ka chindee tna'a i kuenda tnu'u ja ndi-tna'a ñani i.

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Proverbios 18:6

Ñayii so'o xeen kaa ma chi tnu'u ká'an i ma‑ni, te sa'a i ja skiti tna'a ini i ji'in ñayii ma, te maa tnu'u ká'an i ma sa'a ja jin sa'a ndeva'a ña'a ñayii ma.

Proverbios 18:8

Ñayii tnu'u ma, ñayii ndúku cuentu ma chi ûni vivii ká'an i ja ndákani i nuu in‑ka ñayii ma, te sa'a i ja kénda onde ini anua ñayii ma ja jiña'a i ma.

Proverbios 29:22

Tee ndimaa ndákiti ini ma chi ndimaa ja kanaa de kúni de, kovaa ja sukan kúu de ma chi ndimaa jiso kuechi de.

Proverbios 30:33

vaa ja ndaa kúu ja ñayii káva nuu káva nuu lechi ma chi kúndee i sa'a i ja jáa mantequilla ma, te ñayii ju'ni ni'i xitni i ma chi sa'a i ja kee niñi xitni i ma, te ñayii skiti ini in‑ka ñayii ma chi ja sa'a i kúu ja jin kanaa jin kanaa‑ni ñayii ma.

Proverbios 6:14

Vaa nanimaa ja u'vi ñu'u ini anua i ma, te ndimaa ñu'u ini i ja sa'a i ja u'vi ma.

Proverbios 6:19

ñayii ka'an ja ni jini nuu i ma te masu ja ndaa kúu ja ká'an i ma, ji'in ñayii sa'a ja ka ndakiti ini nuu tna'a ñayii ka ketna'a ini ma.

Romanos 1:29

Te ndimaa ja u'vi kúu ndaka ja ka sa'a i ma, vaa ka kivi nduu i ji'in ñayii ni masu ni ka tnanda'a ji'in i ma, te ka iyo i ja ka skiti ini i in‑ka ñayii ma, inundiyo ini i ma, ka sa'a i ja u'vi ma, ka kukueñu ini i ma, ka ja'ni tna'a i ma, ka kanaa i ma, ka xnda'vi tna'a i ma, ka ka'an neé ka ka'an ñuu i ma,

2 Corintios 12:20

Kovaa ja ndí ini sa kúu ja nuna jaan sa jan koto ña'a sa ma, te ma ndani'i sii ini ña'a sa sukan kúni sa ja jin koo sii ini ni nuu Su'si ma. Te maa ni, ma jin koo sii ini ni ja jin kuni ña'a ni ma. Vaa ndí ini sa ja nasa yukan, te ka skiti ini tna'a ni, xi ka kukueñu ini nuu tna'a ni, xi ka kanaa ni, xi ka jani ini ni ja maa ni ka kuu‑ka ma, xi ka ka'an u'vi nuu tna'a ni, xi ka ka'an tnu'u tna'a ni ma, xi ka sa'a neé ka sa'a uun‑nka ni ma.