Proverbios 16:22 - New Testament Psalms and Proverbs in Mixtec Magdalena Peñasco

²² Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 16:22 ပူးပေါင်းရင်းမြစ်များ

Proverbios 10:11

Kovaa ñayii sa'a ja va'a ja ndaa ma chi sa'a i ja kúu sii ini xeen o te ndáni'i o tnu'u kanu ini, kovaa ñayii sa'a ja u'vi ma chi ndando'o ndatna'a xeen maa i ja u'vi sa'a i ma.

Proverbios 13:14

Ndaka tnu'u va'a káxtnu'u ñayii ndichi ma chi suu i chindee ña'a ja kaku o ja ma ki'in o ichi nuu skenaa o maa o ma, te koteku o.

Proverbios 14:27

Sukan kúu nuu tóo kua'a ndute ma, sukan kúu ja koyu'u o Su'si ma te ma ko sa'a‑ka o ja u'vi ma, vaa sa'a ya ja koteku o, sukan‑va'a ma jin tu'va o nuu kûu o te skenaa o maa o ma.

Proverbios 15:2

Ñayii ndichi ma chi ndimaa tnu'u vii tnu'u va'a, tnu'u kuatniñu o ká'an i, kovaa ñayii so'o xeen kaa ma chi ndimaa tnu'u ndeva'a tnu'u kini ma, tnu'u masu nde kuatniñu o kúu tnu'u ká'an i ma.

Proverbios 15:28

Ñayii sa'a ja va'a ja ndaa ma chi ndása'a i kuenda naxe ndakone'e i nuu in‑ka ñayii ma, kovaa ñayii sa'a ja u'vi ma chi kée koo kée ni'ni‑ni ja ká'an i ma.

Proverbios 16:21

Ñayii ndichi ma chi ñayii jáku'ni ini kúu i, vaa tnu'u vii tnu'u va'a ká'an i ma, te sa'a i ja ka ndundichi‑ka ñayii ka niniso'o ja ká'an i ma.

Proverbios 16:23

Ñayii ndichi ma chi kaji kaji‑ni i tnu'u va'a ká'an i, te tnu'u ká'an i ma káxtnu'u ja ñayii jini nawa sa'a i ma kúu i,

Proverbios 18:4

Tnu'u ká'an ñayii ndichi ma, sukan kúu nuu ñu'u kua'a ndute ma xi sukan kúu nuu tóo kua'a de ma, sukan ka kuu tnu'u ká'an i ma.

Proverbios 18:7

Ja ká'an ñayii so'o xeen kaa ma chi nukun‑tuu maa i ndaka ja u'vi ká'an i ma, te ndando'o ndaneni maa i.

Proverbios 3:22

te sa'a i ja koteku ro te vivii kona'a ro nde kua'an nde vee ro,

Mateo 15:14

Má jin sanuu ni, vaa ñayii inukuaa ka kuu de, te ka kuni de ja jin skaka de in‑ka ñayii kuaa ma. Vaa ka jini maa ni ja nú in tee kuaa ma, te skaka de in‑ka tee kuaa ma, te nú iyo in kava chi nduu de jin kê koo ―‍kúu ya jiña'a ya.

Juan 5:24

’Ja ndaa ja ndaa ká'an sa, nú na in niniso'o ja ká'an sa a chi kándija i sukan ká'an maa iya ni tetniñu ña'a ma, te iyo i ja koteku i ni‑kani ni‑jika, vaa masu ki'in‑ka i nuu iyo ja chunaa i nkuu ma, su'va jâ ni kaku i ja masu kûu‑ka i, te koteku i ni‑kani ni‑jika.

Juan 6:63

Vaa anua ñayii ma kúu ja sa'a ja téku i ma, te yikikuñu i ma chi masu ja kuatniñu kúu. Te tna'a tnu'u ká'an sa a chi ja ka jiniñu'u ini anua ni a kúu, vaa sa'a i ja jin koteku ni.

Juan 6:68

Simón Pedro ma, ni ndakone'e de: ―‍Señor, ¿nde in xi‑nuu jin koo sa? Vaa tnu'u ká'an ni a, tnu'u sa'a ja jin koteku sa ni‑kani ni‑jika kúu.