Proverbios 16:21 - New Testament Psalms and Proverbs in Mixtec Magdalena Peñasco

²¹ Ñayii ndichi ma chi ñayii jáku'ni ini kúu i, vaa tnu'u vii tnu'u va'a ká'an i ma, te sa'a i ja ka ndundichi‑ka ñayii ka niniso'o ja ká'an i ma.

Proverbios 16:21 ပူးပေါင်းရင်းမြစ်များ

Salmos 45:2

Vaa maa ni chi vivii kaa ni, iyo ni ne'un ndaka sa'ya tata ñayii ma, te tnu'u ká'an káchi ni a ndimaa tnu'u vii tnu'u va'a kúu, te chukan kúu ja Su'si ma chi taa ya ja vii ja va'a ja kuta'vi ni ni‑kani ni‑jika.

Proverbios 10:13

Ñayii jini tnu'u ndichi ma chi nanimaa tnu'u ndichi ma ká'an i, kovaa ñayii ñatuu ndása'a kuenda naxe ko sa'a ko kuu i ja va'a ma, chi ja kuta'vi i ko kuu yutnu xii ma te ndo'o neni maa i.

Proverbios 10:23

Ñayii so'o ñayii ndee ini ma chi ja sa'a i ja u'vi ma chi kútachi xeen i ja sukan sa'a i ma, kovaa ñayii ndichi ma chi ndátatu‑ka i ja sukan jáku'ni ini i te sa'a kúu i sukan ká'an tnu'u ndichi ma.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 15:7

Ñayii ndichi ma chi ndimaa tnu'u ndichi ka ka'an i te ka sa'a i ja kua'a‑ka ñayii ka jaku'ni ini, kovaa ñayii so'o xeen ka ndaa ma chi ndimaa ja u'vi ka ñu'u ini i ja jin sa'a i ma.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 23:15

Sa'ya maa ri, nuna ko kuu ro ñayii ndichi ma chi ru'u ya chi kusii ini xeen tna ri,

Proverbios 27:9

Ndute jáxiko asi ma chi sa'a i ja ndúsii ini anua o a, te ja ká'an‑so'o ñayii kétna'a ini ji'in o ma chi sa'a i ja ndúsii ini tna o.

Mateo 11:25

Te ora yukan Jesús ma, jiña'a ya nuu Yuva ya Su'si ma: ―‍Ndáchiñu'u ña'a sa, Yuva sa, iya tátnuni andivi a ji'in nuu ñu'ú a, vaa ni kaxtnu'u ni nuu ñayii ka ndakunitnuni ja ka jiniñu'u ña'a i ma ndaka ja ñatuu ni kaxtnu'u ni nuu ñayii ka jani ini ja ka jini‑ka i te ka jaku'ni‑ka ini i ma te ñatuu ka jiniñu'u ña'a i ma.

Lucas 4:22

Ndaka ñayii ma ka ka'an ja va'a ja kuu Jesús ma, te ni ka sa'vi‑nka ini i ndaka ja vii sa'a ya ma, te ka jikan‑tnu'u tna'a i: ―‍¿Masu tee ya'a kúu sa'ya José ma? ―‍ka kuu i ka ka'an i.

Juan 7:46

Te tee ka jito veñu'u ma, ni ka ndakone'e de: ―‍¡Ñatuu nama uun ni ka jini o in tee ká'an sukan ká'an tee yukan! ―‍ka kuu de ka jiña'a de.

Romanos 16:19

Kovaa ja ka kuu ndijin, nuu ndaka ñayii ma ni kenda tnu'u ja sukan ka kandija ni a, te chukan kúu ja kúsii ini xeen sa ja sukan ka kuu ni a. Kovaa kúni sa ja jin ko kuu ni ñayii ndichi, sukan‑va'a jin sa'a ni ja va'a ma, te máko jin ko kuu ni ñayii jin ko sa'a ja u'vi ma.

Santiago 3:17

Kovaa tnu'u ndichi ja vee onde sukun ma kúu tnu'u nanimaa Su'si ma, te sa'a i ja kava kuee ini ñayii ma, te sa'a i ja ka'an mani tna'a ñayii ma, te kava va'a ini i, te kunda'vi ini i tna'a i ma, te masu sa'a siin i tna'a i ma, ni a masu xnda'vi i tna'a i ma, su'va sa'a i ja va'a ma. Te nú sa'a i sukan, te in ñayii ndichi kúu i.