Proverbios 16:20 - New Testament Psalms and Proverbs in Mixtec Magdalena Peñasco

²⁰ Ñayii niniso'o ñukuun i tnu'u Su'si a chi ja jani ini i ja sa'a i ma chi kee va'a te koo va'a‑ka i. ¡Naka vii naka va'a kúu ñayii kúkanu ini Su'si o Iya Tátnuni a!

Proverbios 16:20 ပူးပေါင်းရင်းမြစ်များ

Salmos 125:1

Ñayii ka kukanu ini Iya Tátnuni ma chi sukan kúu yuku nani Sion ma ja núkuiñi vava'a i ni‑kani ni‑jika ma, sukan ka kuu ñayii yukan.

Salmos 146:5

¡Kovaa naka vii naka va'a‑ka kúu ñayii kúkanu ini Su'si ni yo kukanu ini tee ni yo kuu Jacob ma ja suu ya ko kuu iya chindee ña'a!

Salmos 2:12

Vivii jin ndachiñu'u ni Sa'ya ya ma, nasa yukan te ndakiti ini ya, nú ma sa'a o sukan kúni ya ma, te xnaa ña'a ya ichi kuan koo ni ma, vaa masu yii‑ni kúu ja ndakiti ini ya ma. Kovaa ndaka ñayii ka kukanu ini ja suu ya ko koto va'a ña'a ma chi sii ini xeen ka iyo i.

Salmos 32:10

Ñayii ñatuu ka kandija ja ká'an Iya Tátnuni ma chi kua'a xeen ja jin ndo'o jin neni i, kovaa ñayii ka kukanu ini Iya Tátnuni ma chi ka ndakonduu ña'a ja nda'vi ini ña'a ya ma.

Salmos 34:8

Jin kototnuni ni, te jin kuni ni ja va'a xeen ini Su'si o Iya Tátnuni ma. ¡Te naka va'a kúu ñayii kúkanu ini ya ma!

Proverbios 13:13

Ñayii saxiko te ñatuu jatanuu i ja sa'a i ja ni kucargu i ja sa'a i ma chi ndo'o xeen i ja ñatuu ni kandija i ma te ndakani ini i, kovaa ñayii ndí ini te ni‑yu'u ni‑ini i jatanuu i sa'a i ja ni kucargu i ma chi koo va'a xeen i te koo sii ini xeen i ja ni kundee i ni sa'a i ma.

Proverbios 13:15

Ñayii ka jaku'ni ini te ka sa'a i sukan kúni Su'si ma chi kuatnu'u ini ña'a Su'si ma te skuta'vi ña'a ya ja vii ja va'a, kovaa ñayii sa'a so'o nuu Su'si ma chi ndimaa ndo'o neni i, vaa ñatuu játna ini Su'si ma ja sa'a i ma.

Proverbios 17:2

In ñayii ndichi ma, te visi suchi jinukuechi kúu i ma chi kuu tatnuni‑ka i sana sa'ya jito'o i ma ja so'o xeen kaa i nuu de ma, te ora jin ni'i sa'ya jito'o i ma ta'vi i ma chi suni ni'i tna suchi jinukuechi ma ja kuu ta'vi i.

Proverbios 19:8

Ñayii ni jaku'ni ini tnu'u ndichi ma te sa'a i sukan ká'an ma chi ja kútoo i maa i kúu ja ndí ini i ja koo va'a i ma.

Proverbios 8:35

Vaa ñayii kuan‑ta'vi tnu'u ndichi ká'an ri a chi sa'a i ja koteku i te ni'i i ja skuta'vi ña'a Iya Tátnuni ma.

Mateo 10:16

’Ya'a te tétniñu ña'a sa sukan ka kuu ndikachi ma nuu ka iyo ndiva'u ma, te chukan kúu ja jin kuni ni nawa jin sa'a ni sukan sa'a koo ma, ja nú ni jini ti ja iyo yika ti ma chi ñama‑ni kua'an ti, te jin ko kuu tna ni sukan ka kuu sata ma ja masu na ja u'vi ka sa'a ti ma.