Proverbios 16:2 - New Testament Psalms and Proverbs in Mixtec Magdalena Peñasco

² Ndaka ja sa'a ja kúu ñayii ma chi jani ini maa i ja ja va'a‑ka kúu nuu Su'si ma, kovaa maa ya chi jini ndaa ya nú ja va'a kúu xi ña'a.

Proverbios 16:2 ပူးပေါင်းရင်းမြစ်များ

Salmos 36:2

Te jani ini i ja va'a‑ni kúu ja sa'a i ma, te másu nde ndása'a i kuenda ja saxiko Su'si ma ja u'vi sa'a i ma.

Proverbios 12:15

Ñayii so'o xeen kaa ma chi ndaka ja sa'a i ma chi jani ini i ja ja va'a kúu, kovaa ñayii ndichi ma chi ndimaa kándija i ja ka ka'an so'o ñayii ma nuu i ma.

Proverbios 16:25

Ka iyo jaku ñayii chi ka jani ini i ja ichi va'a ma kuan koo i, kovaa masu nde ka ndasa'a maa i kuenda ja ndita ndita ichi nuu jin skenaa i maa i ma kuan koo i.

Proverbios 17:3

Oro ma ji'in plata ma chi nuu ñu'u ma ja'an i sukan‑va'a kuni o nú iyo nanimaa i, kovaa Su'si ma chi ora ndó'o néni o ma, te jini ya naxe ka iyo ini anua o a.

Proverbios 21:2

Ndaka ja jani ini ñayii ma te sa'a i ma, kua'a ja va'a kúu jani ini maa i, kovaa maa Su'si ma kúu iya ndáka'an nú ja va'a kúu xi ja u'vi kúu ja ñu'u ini i ja sa'a i ma.

Proverbios 24:12

vaa visi na ka'an ni: “Masu ni ka jini kuiti sa ja sukan ko kuu ma”, ¿jani ini ni ja masu jini iya jini nawa jani ini o ma te ma ndakan ya kuenda te ndachunaa ñayii ma nawa sa'a i ma?, vaa nde'ya ya onde ini anua ni a, te jini ya ndaka, te ndataa ya nuu ndi‑in ndi‑in o ja va'a xi ja u'vi ni ka yo sa'a o ma.

Proverbios 30:12

te ka iyo jaku i ja ka jani ini i ja ñayii masu na kuechi ka ndiso ka kuu i, kovaa ja ndandaa kúu ja ñayii ka sa'a ja u'vi ka kuu i.

Proverbios 5:21

Vaa kona'a ro ja Su'si ma chi nde'ya nde'ya‑ni ya ndaka ñayii ma nawa ka sa'a ka kuu i ma, te jini ya nú ja va'a xi ja u'vi kúu ja ka sa'a ka kuu i ma.

Lucas 16:15

Jesús ma, jiña'a ya: ―‍Ndijin, ka sa'a ni tnu'u ja ñayii va'a‑ka ka kuu ni sana in‑ka ñayii ma, kovaa Su'si ma, jini ya naxe ka iyo ini anua ni a. Vaa iyo ja ka jani ini ñayii ma ja ja va'a‑ka kúu, kovaa Su'si ma, saxiko ya ndaka chukan.

Apocalipsis 2:18

Te ká'an ya: ―‍Tee ni nuu ángel jito ñayii ka kandija Su'si ma ja ka iyo i ñuu Tiatira ma: “Sa'ya Su'si ma iya kánda'a nduchinuu ya ma sukan kánda'a ñu'u ndú'va ma, iya ka ndaa ja'a ya ma sukan kaa bronce lilii ma kúu iya ká'an sa'a:

Apocalipsis 2:23

Te sa'ya ña ma, xtnakue'e ri i, te jin kûu i, te ndaka ñayii ka ndatna'a ndaka ñuu ma, jin kuni i ja maa ri kúu iya jinitnuni nawa ka ñu'u ini anua ñayii ma ji'in ndaka nawa ka jani ini i ja jin sa'a i ma, ndaka jini ri te maa ri ndakua'a nuu ndi‑in ndi‑in ñayii ma nawa ni ka yo sa'a ni ka yo kuu i nuu ri ma, nú ja va'a xi ja u'vi.