Proverbios 16:19 - New Testament Psalms and Proverbs in Mixtec Magdalena Peñasco

¹⁹ Va'a‑ka ja na kani ini o ja masu nawa kúu o te koo o ne'un ñayii nda'vi ma, sana ja ko ni'i ko tna'a o ma te koo o ne'un ñayii ka jani ini ja maa i ka kuu‑ka ma.

Proverbios 16:19 ပူးပေါင်းရင်းမြစ်များ

Salmos 138:6

Vaa Su'si Iya Tátnuni, iya iyo onde sukun ma kúu ni, te ndí ini ni ja jin kuu ñayii nda'vi ma. Kovaa jika‑ni nde'ya ni ñayii ka jani ini ja maa i ka kuu‑ka ma.

Salmos 34:18

Vaa iyo yatni Su'si ma ja sa'a ya ja jin kaku ñayii ka kuxii ka kunda'vi ini ma ja ñatuu‑ka na tnu'u kanu ini ka neva'a i ma.

Proverbios 1:13

Te nú ka ka'an tna i: “Jín koo o jín sakui'na o nawa ka neva'a ñayii ma te jín tnaa va'a o ve'e o a, sukan‑va'a jin kuxiku o,

Proverbios 1:14

te nú nawa ni ka ni'i o ma, te jin ko kuu kuenda ndaka o”, kovaa máko kandija ro ja ko sa'a ro sukan ka ka'an i ma.

Proverbios 25:7

Va'a‑ka ja maa ñayii kanuu ma na kana ña'a ja kaa ni te kunukoo ni nuu iyo i ma, sana ja jin ka'an i: “¿Nawa ndúku ni ja vee ni nuu iyo tee tátnuni ya?”, te kukan‑nuu ni vaa ka nde'ya ña'a de ma.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Proverbios 3:34

Ja ndaa ndija ja sukan sa'a ya ji'in ñayii ka ka'an yichi ka ka'an su'va‑ni i tnu'u ká'an ya ma, kovaa ñayii ka ka'an ja masu nawa kuu jin sa'a maa i ma nú masu ja onde ja maa ya ma sana kuu nawa jin sa'a i ma chi skuta'vi ya i ja vii ja va'a.

Mateo 5:3

―‍Vava'a jin kendoo ñayii ka ndakunitnuni ja ka jiniñu'u i Su'si ma, vaa kivi tatnuni Su'si ma, nuu koo ya ma, yukan jin koo i ji'in ya.