Proverbios 16:16 - New Testament Psalms and Proverbs in Mixtec Magdalena Peñasco

¹⁶ Va'a‑ka kúu ja ko ndi ini o ja ko kuu o in ñayii ndichi ma sana ja ni'i o kua'a oro ma, te va'a‑ka kúu ja jáku'ni ini o sukan kúni Su'si ma sukan‑va'a ni'i ini o naxe ko sa'a ko kuu o sana ja ni'i kua'a o plata ma.

Proverbios 16:16 ပူးပေါင်းရင်းမြစ်များ

Salmos 119:127

Chukan kúu ja saña chi kútoo xeen sa ndaka ja tátnuni ni ma. Vi'i‑ka kútoo sa tnu'u maa ni a sana xu'un ma, visi nanimaa oro kúu i ma.

Proverbios 2:4

te nú ûni na ndanduku ñukuun ro tnu'u ndichi ká'an ri a sukan ndánduku o in xu'un yinee yu'u ma te ndeya'vi xen‑xeen i ma,

Proverbios 3:13

Naka vii naka va'a kúu ñayii ni'i tnu'u ndichi wa'a Su'si ma, vaa jáku'ni ini i te kúu i in ñayii ndichi.

Proverbios 3:14

Vaa ja va'a‑ka kúu ja ni'i o tnu'u ndichi ma sana ja ni'i o xu'un plata ma. Te chíndee xeen‑ka ña'a tnu'u ndichi ma sana oro ma.

Proverbios 4:5

Ûni ku'un ini ro ja kutu'va ro tnu'u ndichi ká'an ri a, te ni'i ini ro naxe ko sa'a ko kuu ro, te máko ndunaa ro ndaka ja ká'an ja káchi ri a, su'va ku'un ini ro ja ko sa'a ro,

Proverbios 4:7

Ja kanuu xeen‑ka kúu ja kutu'va ro tnu'u ndichi ma te ko kuu ro in ñayii ndichi ma, sana ndeva'a‑ni nawa ko ni'i ko tna'a ro ñuu ñayivi a.

Proverbios 8:19

Ñayii jan‑ta'vi tnu'u ndichi káxtnu'u sa a chi ja va'a‑ka kúu sana ja koneva'a i kua'a oro ma xi plata ma,

Mateo 16:26

¿Na nde jiniñu'u ja in ñayii ma, te visi na koneva'a i ndaka ja iyo ñuu ñayivi a te skenaa i anua i ma? Te nute kuu sa'a i ja ndani'i‑ta'vi i ma chi kuiti ndakua'a ndi'i i ndaka ja neva'a i ma.

Lucas 12:21

Sukan kúu ndaka ñayii xtutu kua'a i ja koneva'a i ma, kovaa kúnda'vi i nuu Su'si ma ―‍kúu ya jiña'a ya.