Proverbios 16:15 - New Testament Psalms and Proverbs in Mixtec Magdalena Peñasco

¹⁵ Nú iyo sii ini rey tee tátnuni ma chi iyo tnu'u kanu ini ja jin koo va'a ñayii ñuu de ma, te ja sukan kúu de ma chi kuenda tnu'u ja in viko sa'a ja vivii kúun savi ma te vivii ndukuii ma, sukan kuu de.

Proverbios 16:15 ပူးပေါင်းရင်းမြစ်များ

Salmos 21:6

Vaa maa ni ni wa'a ndaka ja vii ja va'a ja kuta'vi de ni‑kani ni‑jika ma. Ni sa'a ni ja ni iyo sii ini xeen de, vaa ni iyo ni ji'in de.

Salmos 30:5

Vaa Su'si ma chi nunuu‑ni kúu ja ndakiti ini ya ma, kovaa ja nda'vi ini ya ma chi ni‑kani ni‑jika iyo. Te chukan kúu ja visi jakuaa ma kúxii kúnda'vi ini maa o, kovaa nú ni ndii ma, sani te jâ ni ndusii ini o.

Salmos 4:6

Kua'a xeen ñayii ma ka ka'an: “¿Na in iyo ja sa'a i ja va'a ñuu ñayivi a ja jin kuni o?”, ka kuu i ka ka'an i. Iya Tátnuni, sa'a ni ja saña, te jín sa'a sa ja vii ja va'a, sukan‑va'a jin kuni i ja iyo ni, vi Su'si.

Salmos 72:6

Te su'va ja sa'a de ma kó kuu sukan kúu ora kúun savi ma xi sukan kúu ora núu yuyu ma nuu ñu'ú a, ja vivii ndóyo ni‑ka'nu nuu ñu'ú a, ji'in ni‑ka'nu siki kuii ma, te vivii núkona'a ma.

Proverbios 16:14

Rey tee netniñu ma chi nuna ndakiti ini de chi kuu tatnuni de ja jin ka'ni i ñayii ma, kovaa in ñayii ndichi ma chi kuu sa'a i ja ndukuee ini de.

Proverbios 19:12

Sukan kúu yu'u ndika'a ma sukan kúu rey ma nuna ndakiti ini de ma, kovaa nuna kunda'vi ini de ñayii ma chi sukan kúu ora núu yuyu xtnee ma, sukan na'a ja nda'vi ini de ma.

Proverbios 29:26

Kua'a xeen ñayii ndúku ja ketna'a ini i ji'in gobiernu ma, sukan‑va'a chindee ña'a de te koo va'a i, jani ini i, kovaa yika‑ni ja Su'si o Iya Tátnuni ma kúu iya ka'nde ndaa tniñu o a.

Hechos 2:28

Vaa maa ni ni kaxtnu'u ichi va'a ja sa'a ja koteku sa a, te maa ni ni sa'a ja koo sii ini xen‑xeen sa, vaa iyo ni ji'in sa a, kúu de ká'an de.