Proverbios 15:9 - New Testament Psalms and Proverbs in Mixtec Magdalena Peñasco

⁹ Su'si Iya Tátnuni ma chi saxiko ya ja ka sa'a ka kuu ñayii ka sa'a ja u'vi ma, kovaa kútoo ya ñayii ka sa'a ja va'a ja ndaa ma.

Proverbios 15:9 ပူးပေါင်းရင်းမြစ်များ

Salmos 1:6

Te Iya Tátnuni ma chi jito va'a ya ñayii ka sa'a ja va'a ja ndaa ma ndenu kuan koo ve koo i ka kuu i ma, kovaa ñayii kuan koo ichi u'vi ma chi jin skenaa i maa i.

Salmos 11:7

Vaa Iya Tátnuni ma chi iya sa'a ja va'a ja ndaa kúu ya, te játna ini ya ja sa'a ya ja va'a ja ndaa ma. Chukan kúu ja ñayii sa'a ja va'a ma chi kenda kivi ja nuu nuu i jin konde'ya tna'a i ji'in ya.

Salmos 139:24

Te nú kua'an sa ichi u'vi ma, má kua'a ni tnu'u, su'va ndaskaka ña'a ni ichi nuu koteku sa ni‑kani ni‑jika ma, vi Su'si.

Salmos 5:5

Vaa nuu iyo ni a chi masu nde iyo in nuu kúu jin koo ñayii ka jani ini ja maa i ka kuu‑ka ma te ñatuu ka kandija i ja tátnuni ni ma. Vaa ndijin chi saxiko ni ndaka ñayii ka sa'a ja u'vi ma.

Proverbios 15:10

Ñayii ñatuu jika ndaa ichi Su'si a chi ndaka'an ni'i ya nuu i, te ñayii saxiko ja ndáka'an‑so'o ya nuu i ma chi skenaa i maa i.

Proverbios 21:21

Kovaa ñayii ndúku ja koo va'a koo ndaa i nuu Su'si ma te iyo tnu'u nda'vi ini i ma, chi skuta'vi ña'a Su'si ma ja vii ja va'a ma, te koo jayiñu'u i, te koteku kani i.

Proverbios 21:4

Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 21:8

Ja sa'a ja kúu ñayii sa'a ja u'vi ma chi ndimaa ñu'u ini i ja xnda'vi i in‑ka ñayii ma kúni i, vaa ni a in ja va'a masu sa'a i, kovaa ñayii iyo va'a nuu Su'si ma chi ndimaa ja va'a ñu'u ini i ja sa'a i.

Proverbios 4:19

Kovaa ñayii ka sa'a ja u'vi ma chi kuenda tnu'u ja nee kuiti ichi kuan koo i ma, vaa ni masu ka jini maa i, te ka kendeka ka kee ni'ni i kuan koo i.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Mateo 7:13

’Jin ku'un ini ni ja jin kivi koo ni ichi ye'e tuu ma, vaa ye'e jite ma ji'in ichi ka'nu ma, ichi ki'in o nuu skenaa o maa o ma kúu, te kua'a xeen ñayii ka kivi koo ye'e yukan.

1 Timoteo 6:11

Kovaa ndijin ja kúu ni sa'ya Su'si ma, má ko ndiyo ini ni ndaka cha'a, su'va ko sa'a ni ja ndaa ja ndija ká'an Su'si ma, te sa'a ni sukan játna ini ya ma, te kukanu ini ni ya, te kóo tnu'u kútoo tna'a ma ini anua ni a, te kava kuee ini ni, te koniniso'o ni nawa ka'an‑so'o in‑ka ñayii ma, te máko kava yachi ini ni, te máko ndakone'e xiko ni.

2 Timoteo 2:22

Chukan kúu ja másu ko kua'a ni tnu'u ja ko sa'a tna ni ndaka ja u'vi ka sa'a suchi jaa ma. Su'va katanuu ni ja ko sa'a ni ja va'a ja ndaa ma, te kukanu ini ni Su'si ma, te kutoo ni tna'a o ma, te koo mani ni ji'in ndaka ñayii ka iyo vii ka iyo ndoo ini anua i ma, ja ka ndakune'e i Iya Tátnuni ma.