Proverbios 15:33 - New Testament Psalms and Proverbs in Mixtec Magdalena Peñasco

³³ Nú jan‑ta'vi o ja ka ndaka'an‑so'o i nuu o ma chi jayiñu'u Su'si ma kúu, vaa jandetu o nuu ya ma, vaa nuna kava kuee ini o te kani ini o ja maa Su'si ma sana kuu nawa sa'a o ma chi koo jayiñu'u o.

Proverbios 15:33 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Salmos 34:11

Ne'e koo ni, sa'ya maa sa, te jin koniniso'o ni ja ká'an sa a, vaa káxtnu'u sa naxe jin ko ndi ini ni ja jin kandija ni ndaka ja ká'an Su'si ma.

Proverbios 1:2

Vaa ni jani ini de ja ka'an de tnu'u ndichi ma, sukan‑va'a chindee ña'a i ja jaku'ni ini o te ndasa'a o kuenda na tnu'u kuatniñu o ma,

Proverbios 1:7

Vaa ja ko kuu o in ñayii ndichi ma chi xinañu'u kuiti ja koyu'u o Su'si ma, nasa ko sa'a o in ja masu jatna ini ya ma, te sukan, te ko kuu o in ñayii ndichi ndija, kovaa ñayii iyo neé janitnuni i ma chi ñatuu káchi i jaku'ni ini i sukan kúni Su'si ma, te saxiko i tnu'u ndichi ká'an ya ma.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 16:1

Ñayii ma chi kua'a xeen ja jani ini i ja kuu sa'a i, kovaa maa Su'si ma kúu Iya ka'an nú ko kuu sukan jani ini i ma xi ña'a.

Proverbios 18:12

Ñayii kúvixi xeen ma chi ja ndetu ña'a kúu ja skenaa ndi'i i ja neva'a i ma, kovaa ñayii jani ini ja masu ñayii kanuu kúu i ma chi ja ndani'i i ma kúu jayiñu'u i.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Lucas 14:11

Vaa nú na in sa'a tnu'u ja kanuu‑ka i ma, suni kendoo nda'vi i, te kukan‑nuu i. Te ñayii sa'a tnu'u ja masu ñayii kanuu‑ka kúu i ma, te ñayii yukan, nduu i in ñayii kanuu‑ka ―‍kúu ya jiña'a ya.

Santiago 4:10

Te jin ndakunitnuni ni nuu Su'si ma ja masu in ja va'a ni yo kuu ja ni ka yo sa'a, ni ka yo kuu ni ma, te maa ya sa'a ja jin konukuiñi va'a ni nuu ya, te jin koo jayiñu'u ni.

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.