Proverbios 15:32 - New Testament Psalms and Proverbs in Mixtec Magdalena Peñasco

³² Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 15:32 ပူးပေါင်းရင်းမြစ်များ

Salmos 50:17

Vaa ndijin chi su'va ndákiti ini ni nuu ñayii ndáka'an‑so'o nuu ni sukan kúni sa ja ko kuu ni ma, te ja sukan sa'a ni a chi saxiko ni tnu'u tátnuni sa a.

Proverbios 1:7

Vaa ja ko kuu o in ñayii ndichi ma chi xinañu'u kuiti ja koyu'u o Su'si ma, nasa ko sa'a o in ja masu jatna ini ya ma, te sukan, te ko kuu o in ñayii ndichi ndija, kovaa ñayii iyo neé janitnuni i ma chi ñatuu káchi i jaku'ni ini i sukan kúni Su'si ma, te saxiko i tnu'u ndichi ká'an ya ma.

Proverbios 10:17

Ñayii sa'a sukan ká'an káchi tnu'u ndichi ma chi kua'an i ichi nuu koteku i ma, kovaa ñayii ñatuu niniso'o ja ká'an káchi tnu'u ndichi ma chi kua'an i ichi nuu skenaa i maa i.

Proverbios 13:18

Ñayii saxiko ja ka ndaka'an so'o ñayii ma nuu i ma chi ko kunda'vi ko kukee i te ndatna'a i ja kan‑nuu, kovaa ñayii jan‑ta'vi ja ka ndaka'an so'o i nuu i ma chi ndani'i i jayiñu'u.

Proverbios 15:14

Ñayii jáku'ni ini ma chi su'va ndánduku‑ka i tnu'u ndichi Su'si ma, kovaa ñayii so'o xeen kaa ma chi kua'a‑ka ja u'vi ndúku i ja sa'a i.

Proverbios 15:21

Suchi so'o xeen kaa ma chi vii xeen na'a jini i ja ñatuu jaku'ni ini i ja sa'a i ja va'a ma, kovaa suchi jáku'ni ini ma chi ndása'a i kuenda te ndákaka ndaa i nuu Su'si ma.

Proverbios 15:31

Ñayii niniso'o te sa'a i sukan ka ndaka'an‑so'o ñayii ma nuu i ma chi ko kuu i in ñayii ndichi.

Proverbios 15:33

Nú jan‑ta'vi o ja ka ndaka'an‑so'o i nuu o ma chi jayiñu'u Su'si ma kúu, vaa jandetu o nuu ya ma, vaa nuna kava kuee ini o te kani ini o ja maa Su'si ma sana kuu nawa sa'a o ma chi koo jayiñu'u o.

Proverbios 15:5

Suchi so'o xeen kaa ma chi saxiko i tnu'u ndáka'an‑so'o yuva i ma nuu i ma, kovaa suchi jan‑ta'vi ma chi káxtnu'u i ja suchi jáku'ni ini kúu i te ko kuu i in ñayii ndichi.

Proverbios 17:16

Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Proverbios 18:15

Ñayii jáku'ni ini ma chi ndí ini i ja kutu'va‑ka i, te ñukuun‑ka niniso'o i tnu'u ndichi ka ka'an ñayii ndichi ma.

Proverbios 19:20

Ñayii kuan‑ta'vi ja ka ndaka'an‑so'o i nuu i ma te ma ndakone'e xiko i ja sukan ni ka jiña'a ñayii ma chi kutu'va i ja ko kuu i in ñayii ndichi.

Proverbios 29:1

Ñayii ndee ini ma, te nuna ndaka'an‑so'o o nuu i ma, te su'va sa'a ndee‑ka i ini i ma chi sanaa sanaa‑ni, te kenda in tnundo'o nuu i ma, te ni ma nduva'a‑ka i.

Hebreos 12:15

Jín ko ndi ini o nasa yukan, te nde o masu ni'i ja vii ja va'a ja ni skuta'vi ña'a Su'si ma, nasa yukan, te nde o yikuu sa'a ja u'vi ja ñatuu kandija o ja ká'an Su'si ma, te ja'nu ndee o ja jin kua'nu‑ka tna'a o ma nuu Su'si ma, te nasa yukan, te jin kuikin tna i xiko nde o ka sa'a ja u'vi ma, te sukan jin ko sa'a tna i.

Santiago 1:22

Kovaa jin sa'a ni sukan ká'an tnu'u Su'si a. Te masu yika‑ni ja jin koniniso'o ni, vaa nú ña'a te ka xnda'vi ni maa ni.

Apocalipsis 3:19

Vaa ru'u ya chi ndáka'an‑so'o ri nuu ñayii kútoo ri ma na kuechi sa'a i ma, te xndo'o xneni ri i. Chukan kúu ja, va'a‑ka ja ndakani ndaka'vi ini ro te ndakatanuu ña'a ro.