Proverbios 15:31 - New Testament Psalms and Proverbs in Mixtec Magdalena Peñasco

³¹ Ñayii niniso'o te sa'a i sukan ka ndaka'an‑so'o ñayii ma nuu i ma chi ko kuu i in ñayii ndichi.

Proverbios 15:31 ပူးပေါင်းရင်းမြစ်များ

Proverbios 1:23

Va'a‑ka jin ndasa'a kuenda tna'a ja ndáka'an‑so'o ri nuu ro a, sukan‑va'a ru'u ya chi kaxtnu'u ri ndaka ja va'a jani ini ri ja jin kuu ro ma.

Proverbios 13:18

Ñayii saxiko ja ka ndaka'an so'o ñayii ma nuu i ma chi ko kunda'vi ko kukee i te ndatna'a i ja kan‑nuu, kovaa ñayii jan‑ta'vi ja ka ndaka'an so'o i nuu i ma chi ndani'i i jayiñu'u.

Proverbios 13:20

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 15:30

Ñayii nde'ya vii nde'ya va'a ña'a ma chi sa'a i ja kúsii ini ini anua o ma, te ora ka ndakani i tnu'u vii tnu'u va'a ma chi ndátaa i tnu'u ndee tnu'u ndatnu.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 15:5

Suchi so'o xeen kaa ma chi saxiko i tnu'u ndáka'an‑so'o yuva i ma nuu i ma, kovaa suchi jan‑ta'vi ma chi káxtnu'u i ja suchi jáku'ni ini kúu i te ko kuu i in ñayii ndichi.

Proverbios 18:15

Ñayii jáku'ni ini ma chi ndí ini i ja kutu'va‑ka i, te ñukuun‑ka niniso'o i tnu'u ndichi ka ka'an ñayii ndichi ma.

Proverbios 19:20

Ñayii kuan‑ta'vi ja ka ndaka'an‑so'o i nuu i ma te ma ndakone'e xiko i ja sukan ni ka jiña'a ñayii ma chi kutu'va i ja ko kuu i in ñayii ndichi.

Proverbios 25:12

Sukan kúu in xe'e nanimaa oro xi in siki sukun nanimaa oro, sukan kúu ja ndáka'an‑so'o ñayii ndichi ma nuu ñayii niniso'o ñukuun ma.

1 Juan 2:19

Ñayii ya'a, ni ka nde koo i ne'un o a, vaa masu ñayii ka ndikin Cristo ma ka kuu i. Vaa nute ka ndikin i ya chi jin koo ka'nu o ji'in i. Kovaa sa'a ni kuu, sukan‑va'a jin kuni ndaa o ja masu ndaka o ka kuu sa'ya Su'si ma.