Proverbios 15:30 - New Testament Psalms and Proverbs in Mixtec Magdalena Peñasco

³⁰ Ñayii nde'ya vii nde'ya va'a ña'a ma chi sa'a i ja kúsii ini ini anua o ma, te ora ka ndakani i tnu'u vii tnu'u va'a ma chi ndátaa i tnu'u ndee tnu'u ndatnu.

Proverbios 15:30 ပူးပေါင်းရင်းမြစ်များ

Salmos 89:15

¡Naka vii naka va'a ko kuu ñuu nuu ka iyo ñayii ka jini i jin ndachiñu'u ña'a i maa ni ma! Vaa maa ni xtnuu ñu'u nuu kuan koo ve koo i ka kuu i ma.

Proverbios 12:25

Tnu'u ndí ini xeen ma chi sa'a i ja kúxii ini ñayii ma te ñatuu‑ka na tnu'u ndee tnu'u ndatnu i iyo, kovaa nuna kenda in ñayii ká'an vii ká'an va'a ma chi sani te sa'a i ja ndúsii ini ñayii ma.

Proverbios 13:9

Ñayii ka sa'a ja va'a ja ndaa ma chi sukan kúu in ñu'u tnúu jajaa ma, sukan ka kuu i, kovaa ñayii ka sa'a ja u'vi ma chi sukan ni ka nda'va ñu'u ma, sukan‑nka‑ni ka kuu i.

Proverbios 15:29

Su'si ma chi iyo jika ya nuu iyo ñayii sa'a ja u'vi ma, kovaa niniso'o ya te jatanuu ya ja jikan‑ta'vi ñayii sa'a ja va'a ja ndaa ma.

Proverbios 15:31

Ñayii niniso'o te sa'a i sukan ka ndaka'an‑so'o ñayii ma nuu i ma chi ko kuu i in ñayii ndichi.

Proverbios 17:22

Ja koo sii ini ini anua o ma chi kuenda tnu'u ja in jatatna kúu i nuu yikikuñu o ma, kovaa nú nanimaa tnu'u xii ini koo ini anua o a chi onde yiki o ma xsichi i.

Proverbios 25:25

Sukan sa'a ndute vijin vijin iyo ma nuna ni'i o de ja ko'o o de ora yichi xen‑xeen o ma, sukan kúu tnu'u jiniso'o o ja ka iyo vii ka iyo va'a tna'a o ñayii ka iyo in‑ka ñuu onde jika ma.

Proverbios 3:8

Te ja sa'a ro sukan chi kuenda tnu'u ja in jatatna ko kuu nuu yikikuñu ro a, te koo sii ini ro, te koo va'a ini anua ro a.

Apocalipsis 21:23

Te ñuu yukan, masu jiniñu'u i ja ndii kandii ma, ni a ko ndii yoo ma ini ñuu ma, vaa jayiñu'u Su'si ma, kúndee i ndii ni'ni i ini ñuu ma, te ñu'u ndú'va ini ñuu ma kúu iya kúu sukan kúu ndikachi jaa ma.

Apocalipsis 22:5

Te masu na jakuaa‑ka koo, te ñatuu ka jiniñu'u i ñu'u ja jin kotnuu nuu i, ni a ndii‑ka kandii ma, vaa maa Su'si Iya Tátnuni ma sa'a ja jin kundijin nuu i, te jin tatnuni i ji'in ya ni‑kani ni‑jika.