Proverbios 15:28 - New Testament Psalms and Proverbs in Mixtec Magdalena Peñasco

²⁸ Ñayii sa'a ja va'a ja ndaa ma chi ndása'a i kuenda naxe ndakone'e i nuu in‑ka ñayii ma, kovaa ñayii sa'a ja u'vi ma chi kée koo kée ni'ni‑ni ja ká'an i ma.

Proverbios 15:28 ပူးပေါင်းရင်းမြစ်များ

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Proverbios 10:19

Ñayii ñatuu ndása'a kuenda te ndeva'a‑ni tnu'u ká'an i ma chi iyo yika i ja ka'an i in tnu'u ja masu kuatniñu te kuiso kuechi i, kovaa ñayii ndichi ma chi ndása'a i kuenda na tnu'u ká'an i ma.

Proverbios 10:32

Vaa ja ká'an ñayii sa'a ja u'vi ma chi nanimaa tnu'u kini tnu'u ndeva'a kúu, te masu játna ini o, kovaa ja ká'an ñayii sa'a ja va'a ja ndaa ma chi játna ini o.

Proverbios 13:16

Ñayii ndichi ma chi ndása'a i kuenda te sa'a i ja va'a ma, kovaa ñayii ñatuu ndása'a kuenda ma te sa'a maa i ja u'vi ma chi ndáxtuu i maa i ja ñayii so'o xeen kúu i nuu Su'si ma.

Proverbios 15:2

Ñayii ndichi ma chi ndimaa tnu'u vii tnu'u va'a, tnu'u kuatniñu o ká'an i, kovaa ñayii so'o xeen kaa ma chi ndimaa tnu'u ndeva'a tnu'u kini ma, tnu'u masu nde kuatniñu o kúu tnu'u ká'an i ma.

Proverbios 16:23

Ñayii ndichi ma chi kaji kaji‑ni i tnu'u va'a ká'an i, te tnu'u ká'an i ma káxtnu'u ja ñayii jini nawa sa'a i ma kúu i,

Proverbios 29:11

Ñayii kúkuee xeen ma ja ñatuu jáku'ni ini i ma chi ûni wa'a maa i tnu'u ja ndákiti xeen ini i te sa'a ndeva'a i ma, kovaa ñayii ndichi ma chi kúndee i tátnuni i nuu maa i, te ndúkuee ini i, te ñatuu sa'a i ja u'vi ma.

Proverbios 29:20

¿Jâ ni kuu jini ni in ñayii ja ni masu jani ini i te yachi‑ni ká'an i ma? Ja ká'an sa kúu ja iyo‑ka tnu'u kanu ini ja ndasa'a ñayii kúkuee ma kuenda sana ñayii ya'a.

Mateo 12:34

¡Kovaa ndijin chi sa'ya tata koo ma ka kuu ni! Vaa ini anua ni a ka ñu'u chitu ja u'vi, te chukan kúu ja masu kuu jin ka'an ni tnu'u va'a. Vaa ja ñu'u chitu ini anua o ma kúu ja ká'an yu'u o a.

1 Pedro 3:15

Su'va jin ndaka'an ni ja maa in‑ni Cristo ma kúu iya tátnuni nuu o a, te ndimaa jin koo tu'va ni, sukan‑va'a kuu jin ndakone'e vii jin ndakone'e va'a ni nuu ñayii jin kakan‑tnu'u ña'a nava'a ka kukanu ini ni Su'si ma. Kovaa jin kava kuee ini ni, te jin kava respetu ni nuu i.

2 Pedro 2:18

Vaa vivii ka ka'an i ora ka kaxtnu'u i ma, kovaa masu nde jiniñu'u ja ka ka'an i ma, vaa ka ka'an i ja kuu jin sa'a ñayii ma sukan ka kuni maa yikikuñu i ma, te ñayii yika ni ka nde koo nuu ja u'vi ma, te ka sa'a i ja ka ndakokuiñi tuku ñayii nda'vi yukan in‑ka tuku jichi nuu ja u'vi ma.