Proverbios 15:26 - New Testament Psalms and Proverbs in Mixtec Magdalena Peñasco

²⁶ Su'si Iya Tátnuni ma chi saxiko ya ja jani ini ñayii sa'a ja u'vi ma ja sa'a i ma, kovaa játna ini ya ja vii ja va'a ká'an ñayii iyo vii nuu ya ma.

Proverbios 15:26 ပူးပေါင်းရင်းမြစ်များ

Salmos 19:14

Su'si maa sa, na kenda ndaka ja ká'an sa a, ji'in ja jani ká'vi ini anua sa a, nuu maa ni a, te kuan‑ta'vi ni, vi Su'si Iya Tátnuni, iya sa'a ja kaku sa nuu tnundo'o tnuneni ma.

Salmos 45:1

Ini anua sa ya ûni iyo chitu tnu'u vii tnu'u va'a, te jita sa nuu maa ni ja kúu ni Rey sa a. Te ûni ñukuun jita vivii sa nuu ni, sukan sa'a tee tée nuu tutu ma, ja ñukuun kuiti tée de ma te vivii kéndoo ma.

Proverbios 11:20

Vaa Su'si ma chi saxiko ya ñayii ndimaa ja u'vi ka ñu'u ini i ja jin sa'a i ma, kovaa iyo sii ini xeen ya nuu ñayii ka jika ndaa nuu ya ma.

Proverbios 15:23

Vivii kúu ora kénda ñayii ká'an naxe sa'a o ora ñatuu ní'i ini o naxe ko kuu ma, kovaa vii xeen‑ka kúu ja maa ora jiniñu'u o ma te kénda kunu tnu'u jiniñu'u o ma.

Proverbios 15:25

Su'si Iya Tátnuni ma chi xnaa ya ve'e ñayii jani ini ja maa i kúu‑ka ma, kovaa sa'a ya ja ña'a ni ji'i yii ma chi koo va'a ndaka ja neva'a ña ve'e ña ma.

Proverbios 15:27

Ñayii ndiyo ini ma chi sa'a nda'vi sa'a kee i ñayii ve'e i ma, kovaa ñayii ñatuu játna ini ja sa'a i sukan ma chi jin koo va'a‑ka i ve'e i ma.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Proverbios 24:9

Nanimaa ja u'vi ñu'u ini ñayii ndee ini ma ja sa'a i te jiso kuechi maa i, te ndaka ñayii ma, masu ka kunimani i nuu ñayii sa'a sukan ma.

Mateo 15:19

Vaa onde ini anua ñayii ma ka ñu'u ndaka ja u'vi ma, te chukan kúu ja kénda ja ka jani ini i ma, ja jin ka'ni i tna'a i ma, ji'in ja ñayii ni ka tnanda'a ma, te ka kivi nduu i ji'in in‑ka ñayii ma, ji'in ja jin kivi nduu i ji'in ndi‑in ndi‑in ñayii ñatuu ni ka tnanda'a ji'in i ma, ji'in ja jin sakui'na i ma, ji'in ja ka ka'an i tnu'u ñayii ma, ji'in ja ka ka'an kini i ma.