Proverbios 15:24 - New Testament Psalms and Proverbs in Mixtec Magdalena Peñasco

²⁴ Ichi ki'in o ja koteku o ni‑kani ni‑jika ma kuenda tnu'u ja ndichi xeen, vaa ndó'o o jaku; kovaa chindee ña'a i ja ma kêe o andeya ma te skenaa o maa o ma.

Proverbios 15:24 ပူးပေါင်းရင်းမြစ်များ

Salmos 139:24

Te nú kua'an sa ichi u'vi ma, má kua'a ni tnu'u, su'va ndaskaka ña'a ni ichi nuu koteku sa ni‑kani ni‑jika ma, vi Su'si.

Salmos 16:11

Vaa maa ni ni kaxtnu'u ichi va'a ja sa'a ja koteku sa a, te maa ni sa'a ja koo sii ini xen‑xeen sa, vaa iyo ni ji'in sa a, te játna ini xen‑xeen sa ja ni‑kani ni‑jika, te koo sa xiñi kua'a ni a.

Proverbios 2:18

Chukan kúu ja tee tnii ichi ja ki'in de ve'e ña'a yukan ma chi kuenda tnu'u ja ni tnii ichi maa de kua'an de ichi nuu kûu de ma kúu.

Proverbios 23:14

su'va sa'a ni ja kaku anua i ma ja ma ki'in i nuu andeya ma te ndo'o neni i ma.

Proverbios 4:18

Kovaa ñayii ka jika ichi va'a te ka sa'a i ja ndaa ma chi jin ko kuu i sukan kúu ja ve ndii ma, vaa xinañu'u kukuijin ma, sani te ve ndii ve ndii‑ka ma onde kenda ja ndii vava'a‑ka ma.

Proverbios 5:5

Vaa masu ndása'a maa de kuenda ja ndita ndita kua'an de nuu kûu de ma te skenaa de maa de ma, vaa ñayii ka sa'a sukan sa'a ña'a kúneé kú‑uun ma chi jin kûu i te jin skenaa i maa i ma.

Proverbios 6:23

Vaa tnu'u tátnuni ri a chi kuenda tnu'u ja in ñu'u ndú'va kúu i, te ja káxtnu'u ri a chi xtnuu i nuu ro sukan kúu ñu'u ndú'va ma, te ja ndáka'an‑so'o ri nuu ro ja ndákani ichi ña'a ri a chi sa'a i ja koteku ro,

Proverbios 7:27

Vaa ichi nuu jin kûu ñayii kúu ichi ve'e ña ma, te ichi nuu jin skenaa i maa i kúu.

Proverbios 9:8

Va'a‑ka ja máko ndaka'an ni na kuechi ñayii sa'a ja u'vi ma te ko saxiko ña'a i, vaa masu nawa chindee ni i. Va'a‑ka ndaka'an‑so'o ni nuu ñayii ndichi ma te kuni ni ja kutoo ña'a i.

Mateo 7:14

Kovaa ye'e tuu ma ji'in ichi kuiñi ma ichi ki'in o ja koteku o ni‑kani ni‑jika kúu, te jaku‑ni ñayii ka kuu ñayii ka ndani'i ye'e yukan.

Juan 14:6

Jesús ma, ni ndakone'e ya: ―‍Saña kúu ichi va'a ma, te ká'an sa ja ndaa ma, te sa'a sa ja jin koteku ni ma. Te masu na in kuu kenda nuu Yuva sa ma, nú masu ja onde kandija ña'a i maa sa.

Filipenses 3:20

Kovaa yo'o chi masu ñuu ñayivi a jin koo o chi onde andivi ma iyo nuu jin koo o. Te suni ka ndetu o ja onde andivi ma ndii Jesucristo iya tátnuni nuu o a, iya ni sa'a ja ni ka kaku o nuu ja u'vi ma.