Proverbios 15:23 - New Testament Psalms and Proverbs in Mixtec Magdalena Peñasco

²³ Vivii kúu ora kénda ñayii ká'an naxe sa'a o ora ñatuu ní'i ini o naxe ko kuu ma, kovaa vii xeen‑ka kúu ja maa ora jiniñu'u o ma te kénda kunu tnu'u jiniñu'u o ma.

Proverbios 15:23 ပူးပေါင်းရင်းမြစ်များ

Proverbios 12:14

Vaa maa maa o ndani'i ndatna'a nawa ká'an o ma xi nawa sa'a nawa kúu o ma ndeva'a‑ni nú ja va'a xi ja u'vi kúu.

Proverbios 12:25

Tnu'u ndí ini xeen ma chi sa'a i ja kúxii ini ñayii ma te ñatuu‑ka na tnu'u ndee tnu'u ndatnu i iyo, kovaa nuna kenda in ñayii ká'an vii ká'an va'a ma chi sani te sa'a i ja ndúsii ini ñayii ma.

Proverbios 15:22

Nú ñatuu na in ndichi ja ndaka'an‑so'o i naxe ko kuu ma chi masu kee ja ka ñu'u ini i ja jin sa'a i ma, kovaa nuu ka iyo kua'a ñayii ndichi‑ka te ka ndatnu'u tna'a i naxe ko kuu ma chi vivii kendoo.

Proverbios 16:13

Rey tee ka netniñu ma chi ka jatna ini de ja jin ka'an ndaa ñayii ma, te ûni ka kutoo de ñayii ñatuu ká'an tnu'u ma.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Proverbios 24:26

Vaa ñayii ká'an tnu'u ndaa tnu'u ndija ma chi jin kutoo xeen ña'a ñayii ma, te onde jin chitu i yikinuu ñayii yukan ja sukan va'a ini i ma.

Juan 1:37

Nduu tee ka ndikin Juan ma, ni ka jiniso'o de, te ni ka ndikin de Jesús ma.

Juan 11:29

Ja ni jiniso'o María ma, ni ndokuiñi ña, te kua'an ña kuan koto ña Jesús ma.

Efesios 4:29

Ñatuu ni‑in tnu'u ndeva'a ko kee yu'u ni a, ja kuña'a ni nuu tna'a ni ma, su'va tnu'u ká'an ni ma ko kuu tnu'u kuatniñu, sukan‑va'a jin chindee tna'a ni ja jin koo va'a‑ka ni nuu Su'si ma. Te ja sukan jin sa'a ni ma, te vivii jin kuatnu'u ini ña'a ñayii ka niniso'o ña'a ma.