Proverbios 15:21 - New Testament Psalms and Proverbs in Mixtec Magdalena Peñasco

²¹ Suchi so'o xeen kaa ma chi vii xeen na'a jini i ja ñatuu jaku'ni ini i ja sa'a i ja va'a ma, kovaa suchi jáku'ni ini ma chi ndása'a i kuenda te ndákaka ndaa i nuu Su'si ma.

Proverbios 15:21 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Proverbios 10:23

Ñayii so'o ñayii ndee ini ma chi ja sa'a i ja u'vi ma chi kútachi xeen i ja sukan sa'a i ma, kovaa ñayii ndichi ma chi ndátatu‑ka i ja sukan jáku'ni ini i te sa'a kúu i sukan ká'an tnu'u ndichi ma.

Proverbios 11:12

Ñayii ñatuu ndása'a kuenda sukan kúni Su'si ma chi ká'an i tnu'u in‑ka ñayii ma, vaa ñatuu jamani i in‑ka ñayii ma kúu, kovaa ñayii kándija te sa'a i sukan kúni Su'si ma chi jasi yu'u i te ñatuu ká'an i tnu'u in‑ka ñayii ma.

Proverbios 14:16

Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 14:8

Ñayii ndichi ma chi maa tnu'u ndichi ma sa'a ja ni'i ini i naxe ko sa'a ko kuu i ma, kovaa ñayii so'o xeen kaa ma chi jani ini i ja va'a‑ni sa'a i, kovaa xnda'vi i maa i.

Proverbios 14:9

Ñayii so'o xeen ka ndaa ma chi ka sa'a i ja u'vi ma, te ûni ka kusisi maa i ja ka sa'a i tna'a ja masu játna ini Su'si ma, kovaa ñayii ka sa'a ja va'a ja ndaa ma chi maa i ka kuni ja jin sa'a i ja vii ja va'a ma.

Proverbios 15:22

Nú ñatuu na in ndichi ja ndaka'an‑so'o i naxe ko kuu ma chi masu kee ja ka ñu'u ini i ja jin sa'a i ma, kovaa nuu ka iyo kua'a ñayii ndichi‑ka te ka ndatnu'u tna'a i naxe ko kuu ma chi vivii kendoo.

Proverbios 4:25

Te ndimaa konde'ya konde'ya‑ni ro ja va'a ma ja ko sa'a ro, te ûni ku'un ini ro ja kundee ro sa'a ro.

Proverbios 4:26

Te ndimaa ndasa'a ro kuenda nawa sa'a nawa kúu ro ndenu kua'an ndenu vee ro. Sukan, te kuni ro ja ndaka ja sa'a ro ma chi kee va'a.

Efesios 5:15

Jin ko koto vava'a ni naxe jin ko sa'a jin ko kuu ni, te jin ko kuu ni ñayii ndichi. Másu ko jin ko kuu ni ñayii ñatuu ka jaku'ni ini.

Santiago 3:13

Nú iyo in ñayii ndichi te jáku'ni ini i ne'un ndaka o a, te káxtnu'u i sukan kúu i ma, nú sa'a i sukan játna ini Su'si ma. Jini i naxe kava kuee ini i, vaa in ñayii ndichi kúu i.