Proverbios 15:19 - New Testament Psalms and Proverbs in Mixtec Magdalena Peñasco

¹⁹ Ñayii kuxi ma chi jani ini i ja nanimaa iñu kaa ichi ki'in i ma te va'a‑ka ma ki'in i‑ni, kovaa ñayii sa'a ja va'a ja ndaa ma chi nune nda'a nuu i ichi kua'an i ma jini i.

Proverbios 15:19 ပူးပေါင်းရင်းမြစ်များ

Salmos 25:12

¿Nde in kúu ñayii yu'u ja ndakan Iya Tátnuni ma kuenda nuu i ma? Ñayii yukan ma chi maa ya kaxtnu'u ichi va'a ko kaka i ma.

Salmos 27:11

Iya Tátnuni, kaxtnu'u ni ichi ni ma, te skaka ña'a ni ichi ndaa ma, sukan‑va'a ñayii ñatuu ka kunimani nuu sa ma, máko jin kundee i nuu sa.

Salmos 5:8

Iya Tátnuni, skaka ña'a ni ichi va'a ma, te kaxtnu'u ni nuu sa ja na sa'a sa ja va'a ja ndaa ma, sukan‑va'a ñayii ñatuu ka kunimani nuu sa ma, máko jin kundee i ja jin xnda'vi ña'a i, vi Su'si.

Proverbios 11:5

Maa ja va'a ja ndaa sa'a ñayii núkuiñi va'a nuu Su'si ma sa'a ja nune nune‑ni ichi kua'an i ma, kovaa ñayii sa'a ja u'vi ma, maa ja u'vi sa'a i ma sa'a ja kotuu i.

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 15:20

Suchi ndichi ma chi sa'a i ja ka iyo sii ini yuva i ma, kovaa suchi so'o xeen kaa ma chi saxiko i yuva i si'i i ma.

Proverbios 22:13

Ñayii kuxi ma chi ja ma satniñu i ma chi ndúku yu'u i naxe kundee i ja ma satniñu i ma‑ni, te ká'an i: “Vaa ichi ma iyo in ndika'a, te kaa ña'a ti nuna ki'in o jin satniñu o.”

Proverbios 22:5

kovaa ichi kua'an ñayii sa'a ja u'vi ma chi nanimaa tnundo'o tnuneni kenda koo nuu i ma, vaa jani ini i ja va'a‑ni kúu ja sa'a i ma, kovaa ndimaa ja skenaa i maa i kúu.

Proverbios 26:13

Sa'a ká'an ñayii kuxi ma: “Iyo in ndika'a ichi ma te kua'an vee ti kúu ti, va'a‑ka ma ki'in o jin satniñu o, nú ña'a te ka'ni ña'a ti”, kúu i ká'an i.

Proverbios 3:6

Ndakunitnuni ro ja maa Su'si ma, sana kuu sa'a ro nawa kúni ro ja sa'a ro ma, te maa ya chindee ña'a ndaka nawa jiniñu'u ro ma.

Proverbios 6:6

Ro'o ja kuu ro ñayii kuxi xeen ma, konde'ya sukan sa'a tioko ma, te ndasa'a kuenda sukan sa'a sukan kúu ti ma, te ko kuu ro in ñayii ndichi.

Proverbios 8:9

vaa saña chi kaji kaji ká'an sa, sukan‑va'a jaku'ni ini ñayii ndása'a kuenda ma, te ñayii ndichi ma chi jáku'ni ini i ja tnu'u vii tnu'u va'a kúu ja ká'an sa a.