Proverbios 15:17 - New Testament Psalms and Proverbs in Mixtec Magdalena Peñasco

¹⁷ Va'a‑ka kúu ja kaa o in ko'o yuva xi in ko'o ndeyu vi'nde nú vivii ka kutoo tna'a o, sana ja jin kaa o in xndiki ka'nu te ndimaa tnu'u kiti ini ka iyo o ma.

Proverbios 15:17 ပူးပေါင်းရင်းမြစ်များ

Proverbios 16:8

Va'a‑ka ja visi vala‑ni na ni'i o nú sa'a ndaa sa'a ndija o ma sana ja ni'i kua'a o ma te sakui'na o ma.

Proverbios 17:1

Va'a‑ka kúu ja visi xita yichi‑ni na kaa o te koo sii ini o ve'e o ma sana ja koo kua'a ja kaa ja ko'o o te ndimaa koo tnu'u jatu tnu'u ndi'vi.

Proverbios 21:19

Ja va'a‑ka kúu ja koo nda'vi koo kee o in nuu ñatuu kuiti nawa iyo ma sana ja koo o ji'in in ña'a kúneé kú‑uun ma te yachi xeen ndákiti ini ña ma.

Mateo 22:4

Sani te ni tatnuni de nuu jaku‑ka tee ka jinukuechi nuu de ma, te sa'a jiña'a de: “Jin kuña'a ni ñayii jâ ni kana sa i ma ja jâ ni satu'va sa ndeyu ma, vaa jâ ni ka ji'i xndiki sa ma ji'in kiti vava'a‑ka ni satu'va sa ma, te jâ iyo tu'va ndaka, te kí koo i viko tnanda'a sayii sa ya”, kúu de jiña'a de.

Lucas 15:23

Sani te jin ko kunu ni jin kene'e ni serru va'a‑ka ma, te jin ka'ni ni ti, te jin kaa o ti, vaa jin sa'a o in viko.

Filipenses 2:1

Chukan kúu ja nú ni ka ndani'i ni in tnu'u kanu ini ni sa'a Cristo ma vaa kútoo ña'a ya ma, te nú ka kutoo tna'a ndija ni ma vaa jâ ni taa ya tnu'u ndee tnu'u ndatnu ma, te jin kundee ni jin ndaka'an‑mani nuu tna'a ni ma. Te nú ka iyo ni ji'in Xtumani Ndios iya sa'a ja jin ketna'a ini ni ma, te jin kunda'vi ini nuu tna'a ni ma,

1 Juan 4:16

Te sa'a, saa ni ka jini o, te ni ka kandija o ja kútoo ña'a Su'si ma. Te Su'si ma, iya kútoo ña'a kúu ya, te ñayii ka kutoo tna'a ma, ka iyo i ji'in Su'si ma, te Su'si ma iyo ji'in i.