Proverbios 15:15 - New Testament Psalms and Proverbs in Mixtec Magdalena Peñasco

¹⁵ Ñayii wa'a tnu'u ja kúxii ini i nawa ndo'o neni i ma chi ndaka kivi ma kúu i sukan, kovaa ñayii iyo sii ini ma chi ndaka kivi chi kuenda tnu'u ja viko iyo i jini i, vaa iyo sii ini i ma.

Proverbios 15:15 ပူးပေါင်းရင်းမြစ်များ

Proverbios 15:13

Ñayii iyo sii ini anua i ma chi ndijin ndaa na'a nuu i ma ja iyo sii ini i ma, kovaa ñayii kúxii ini ma chi ñatuu na tnu'u sii ini iyo ini anua i ma te ndijin‑ni na'a i.

Proverbios 15:14

Ñayii jáku'ni ini ma chi su'va ndánduku‑ka i tnu'u ndichi Su'si ma, kovaa ñayii so'o xeen kaa ma chi kua'a‑ka ja u'vi ndúku i ja sa'a i.

Proverbios 15:16

Sa'a te jini o ja va'a‑ka kúu ja visi jaku‑ni neva'a o ma, te iyo sii ini o vaa iyo o ji'in Su'si ma iya ndakan kuenda nawa sa'a nawa kúu o ma, sana ja ko ni'i ko tna'a o ma te ñatuu na tnu'u sii ini iyo ini anua o ma ja ndaka ja ndí ini xeen o ma.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 17:22

Ja koo sii ini ini anua o ma chi kuenda tnu'u ja in jatatna kúu i nuu yikikuñu o ma, kovaa nú nanimaa tnu'u xii ini koo ini anua o a chi onde yiki o ma xsichi i.

Hechos 16:25

Nuu ve kuu sava ñuu ma, Pablo ma ji'in Silas ma, ka jikan‑ta'vi de nuu Su'si ma, te ka jita de ja ka ndachiñu'u de ya, te tee ka yinee vekaa ma, ka niniso'o de.

Romanos 12:12

Jín koo sii ini o ja ka ndetu o ja jin ni'i o ma, te jín kanda o ora ka ndo'o ka neni o ma, te jín kakan‑ta'vi jín kakan‑ta'vi o nuu Su'si ma.

Romanos 5:11

Te masu yika‑ni ja cha'a‑ni chi suni ka kutachi o ja ka iyo o nuu Su'si ma ja maa Jesucristo iya tátnuni nuu o ma, vaa ja maa Jesucristo ma, te ni ka ndumani o ji'in Su'si ma vitna.

2 Corintios 1:12

Te ka kutachi xeen sa, vaa maa Su'si ma kúu iya chíndee ña'a ja in jayiñu'u kúu ja sukan ka sa'a sa, te onde maa Su'si ma na'a ja ka ka'an ndaa ka ka'an ndija sa ka iyo sa ñuu ñayivi a, te ñukuun‑ka ka kuu sa ji'in ni, te cha'a chi masu ja sukan jani ini ñayii ñuu ñayivi a kúu chi ja ni skuta'vi ña'a maa Su'si ma kúu ja ka sa'a sa sa'a.

2 Corintios 1:5

Vaa visi kua'a jichi ka ndo'o ka neni o ja kuechi ja ka ndikin o Cristo ma, kovaa sukan kua'a jichi ndáka'an‑mani tna ña'a maa Cristo ma.

2 Corintios 6:10

Kuenda tnu'u ja ka kuxii ka kunda'vi ini sa, kovaa ka iyo sii ini xeen ini anua sa a nuu Su'si ma. Kuenda tnu'u ja ka kunda'vi xeen sa, kovaa ka sa'a sa ja kua'a ñayii, ka nduxiku xeen i nuu Su'si ma vaa jin ndani'i ta'vi i. Visi ñatuu kuiti nawa ka ni'i ka tna'a sa ñuu ñayivi ya, kovaa ja maa Su'si ma, te ñatuu kuiti nawa ja'ni tna ña'a i.

1 Pedro 4:13

Su'va jín koo sii ini o ja ka ndo'o ka neni o sukan ni ndo'o maa Cristo ma, sukan‑va'a kivi jin kuni o jayiñu'u maa Cristo ma, te jin koo sii ini xeen‑ka o.