Proverbios 14:8 - New Testament Psalms and Proverbs in Mixtec Magdalena Peñasco

⁸ Ñayii ndichi ma chi maa tnu'u ndichi ma sa'a ja ni'i ini i naxe ko sa'a ko kuu i ma, kovaa ñayii so'o xeen kaa ma chi jani ini i ja va'a‑ni sa'a i, kovaa xnda'vi i maa i.

Proverbios 14:8 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Salmos 119:5

¡Naka va'a ko kuu sa, nuna konukuiñi va'a sa ichi ni a te kandija tna sa ja sa'a sa sukan tátnuni ni a, vi Su'si!

Salmos 119:73

Vaa maa ni ni sa'a ña'a, te vivii ni sa'a ña'a ni ni‑ka'nu sa, te vitna, te jikan‑ta'vi sa nuu ni ja sa'a ni ja na jaku'ni ini sa te ko sa'a sa sukan ká'an tnu'u tátnuni ni ma.

Salmos 143:8

Ora xtnee ne'e ma, kaxtnu'u ni sukan kútoo ña'a ni a, vaa maa ni kúkanu ini sa ja chindee ña'a ni. Kaxtnu'u ni naxe ko sa'a ko kuu sa, vaa nuu nda'a maa ni iyo anua sa ya.

Proverbios 11:18

Ñayii sa'a ja u'vi ma chi visi ní'i tna'a maa i ma, kovaa yika‑ni ja xnee nuu‑ni ña'a ja ní'i i ma. Te ñayii sa'a ja va'a ja ndaa ma chi ma yanduu ja ni'i i ja skuta'vi ña'a Su'si ma.

Proverbios 12:5

Ñayii jika ndaa nuu Su'si ma chi ndimaa ja ndaa ja ndija kúu ja jani ini i te ká'an i ma, kovaa ñayii sa'a ja u'vi ma chi ndimaa tnu'u xnda'vi tna'a kúu ja ká'an i ma.

Proverbios 15:21

Suchi so'o xeen kaa ma chi vii xeen na'a jini i ja ñatuu jaku'ni ini i ja sa'a i ja va'a ma, kovaa suchi jáku'ni ini ma chi ndása'a i kuenda te ndákaka ndaa i nuu Su'si ma.

Proverbios 2:9

Ndasa'a maa ro kuenda sukan va'a ini ya a, sani te jaku'ni ini ro sukan ko sa'a ro ja va'a ja ndaa ma ji'in ndi‑in ndi‑in ñayii ma, te ndimaa sukan ko sa'a ko kuu ro nde kua'an nde vee ro.

Proverbios 8:20

te skaka sa i ichi va'a ichi ndaa ma, te ndasa'a i kuenda na nde a kúu ja va'a ja ndaa ma.

1 Corintios 3:19

Vaa tnu'u ndichi iyo ñuu ñayivi ya'a, in ja masu jiniñu'u kúu i nuu Su'si ma. Vaa sa'a ndee nuu tnu'u Su'si ma: “Sa'a Su'si ma ja maa tnu'u ndichi ka ka'an ñayii ma, te jin nukun‑tuu maa i, te jin ndando'o jin ndaneni maa i.”

Efesios 4:22

Chukan kúu ja jin xndoo ni ndaka ja u'vi sukan ni ka yo sa'a, ni ka yo kuu ni ma, tna'a ja ni yo xnda'vi ña'a ma, te ni ka yo sa'a neé, ni ka yo sa'a uun ni ma, te ni xtivi ña'a i ma.

Efesios 5:17

Chukan kúu ja jin ko kuu ni ñayii jin ndasa'a kuenda nde a kúni Iya Tátnuni ma ja jin sa'a ni ma, te másu ko jin ko sa'a ni sukan ka sa'a ñayii ka iyo nee janitnuni i ma.

2 Timoteo 3:13

Kovaa tee ka sa'a ja u'vi ma te ka xnda'vi de ñayii ma chi su'va ka'vi‑ka jin ndando'o de. Vaa jin xnda'vi‑ka de ñayii ma, te ñayii ma, suni jin ndaxnda'vi tna i de.

Santiago 3:13

Nú iyo in ñayii ndichi te jáku'ni ini i ne'un ndaka o a, te káxtnu'u i sukan kúu i ma, nú sa'a i sukan játna ini Su'si ma. Jini i naxe kava kuee ini i, vaa in ñayii ndichi kúu i.