Proverbios 14:30 - New Testament Psalms and Proverbs in Mixtec Magdalena Peñasco

³⁰ Ñayii kuee ini ma chi koo sii ini yikikuñu i ma, te koteku vii koteku va'a i, kovaa ñayii kueñu ini ma chi onde yiki i ma xtnakue'e maa i, ja sukan kúu i ma.

Proverbios 14:30 ပူးပေါင်းရင်းမြစ်များ

Salmos 112:10

Te kuni ñayii sa'a ja u'vi ma, te ûni ndakiti xeen ini i, te ûni ndakaa ndi'i i nu'u i, te xnaa i maa i. Ja ñu'u ini ñayii sa'a ja u'vi ma ja sa'a i ma chi másu ko kuu sukan jani ini i ma.

Salmos 119:80

Te ini anua sa ya na ku'un kaji kú'un va'a ini nuu tnu'u tátnuni ni ma, sukan‑va'a ñatuu nawa ndakukan‑nuu sa.

Proverbios 12:4

Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

Proverbios 15:13

Ñayii iyo sii ini anua i ma chi ndijin ndaa na'a nuu i ma ja iyo sii ini i ma, kovaa ñayii kúxii ini ma chi ñatuu na tnu'u sii ini iyo ini anua i ma te ndijin‑ni na'a i.

Proverbios 17:22

Ja koo sii ini ini anua o ma chi kuenda tnu'u ja in jatatna kúu i nuu yikikuñu o ma, kovaa nú nanimaa tnu'u xii ini koo ini anua o a chi onde yiki o ma xsichi i.

Proverbios 3:8

Te ja sa'a ro sukan chi kuenda tnu'u ja in jatatna ko kuu nuu yikikuñu ro a, te koo sii ini ro, te koo va'a ini anua ro a.

Proverbios 4:23

Ko koto vava'a‑ka ini anua ro a sana ndaka‑ka ja neva'a ro a, vaa ini anua ro a kúu ja chindee ña'a ja koteku ro nuu Su'si ma.

Hechos 7:9

’Tna'a o tee ni ka yo kuu sa'ya Jacob ma, ni ka kukueñu ini de nuu ñani de José ma, te ni ka xiko de i ma, te tee ni ka jaan i ma chi ni jan koo de ni ka jan xsia'a de i ñuu Egipto ma. Kovaa maa Su'si ma ni iyo ji'in José ma.

Romanos 1:29

Te ndimaa ja u'vi kúu ndaka ja ka sa'a i ma, vaa ka kivi nduu i ji'in ñayii ni masu ni ka tnanda'a ji'in i ma, te ka iyo i ja ka skiti ini i in‑ka ñayii ma, inundiyo ini i ma, ka sa'a i ja u'vi ma, ka kukueñu ini i ma, ka ja'ni tna'a i ma, ka kanaa i ma, ka xnda'vi tna'a i ma, ka ka'an neé ka ka'an ñuu i ma,

2 Timoteo 1:7

Vaa Su'si ma chi jâ ni taa ya tnu'u ndee tnu'u ndatnu ya ma, te chukan kúu ja másu jin koyu'u ini anua o a, vaa ja maa ya, te kuu jin kutoo tna'a o, te máko jin kua'a o tnu'u ja ko xnda'vi ña'a ja u'vi ma te jin sa'a o ja ñatuu játna ini Su'si ma.

Santiago 4:5

Xi ka jani ini ni ja masu nde jiniñu'u ja ká'an tutu ndee tnu'u Su'si o a: “Vaa Su'si ma chi kútoo ña'a ya, te kúkueñu ya ini anua o a, vaa maa ya ni taa, te kuenda maa ya ka kuu o.”