Proverbios 14:3 - New Testament Psalms and Proverbs in Mixtec Magdalena Peñasco

³ Ñayii so'o xeen kaa ma chi ndimaa tnu'u ja savixi i maa i ká'an i, kovaa ñayii ndichi ma chi ndaka tnu'u ká'an i ma chi ja va'a kúu, te kaku i nuu ja u'vi ma.

Proverbios 14:3 ပူးပေါင်းရင်းမြစ်များ

Salmos 12:3

Iya Tátnuni ma, xnaa ya ndaka ñayii masu inundija i ja ka ka'an i ma, ji'in ndaka ñayii ndimaa tnu'u vixi ka ka'an i ma,

Salmos 31:18

Sa'a ni ja jin nduñi'i ñayii ka ka'an tnu'u ñayii ka sa'a ja va'a ja ndaa ma. Vaa másu nde ka tnii i kuenda, te ka ka'an ndeva'a i, te ka saxiko i ñayii ka sa'a ja va'a ja ndaa ma.

Salmos 57:4

Vaa kuenda tnu'u ja ne'un ndika'a ma iyo sa, vaa ni ka ndakonduu ña'a ñayii a. Te kuenda tnu'u ja ñu'u i'ni ka kuu tnu'u ka ka'an i ma, te kuenda tnu'u ja lanza xi flecha ka kuu nu'u i ma, te yaa i ma kuenda tnu'u ja yuchi nduva nduva nuu i ma kúu.

Proverbios 12:6

Onde ndaka tnu'u ká'an i ma, ûni kuenda tnu'u ja ja'ni i ñayii ma kúu, kovaa ñayii ka iyo ndaa nuu Su'si ma chi ndimaa tnu'u vii tnu'u va'a ka ka'an i, te ja sukan ka kuu i ma chi chindee ña'a i ja jin kaku i nuu ja u'vi ma.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 14:4

Ñayii ñatuu na xndiki neva'a i ma chi ñatuu nawa ndaxtutu i itu i ma, te konune nda'a yaka i ma, vaa ka jini o ja tnu'u ndee tnu'u ndatnu xndiki ma ja satniñu ti ma sana koo kua'a ja kaa o ma.

Proverbios 18:6

Ñayii so'o xeen kaa ma chi tnu'u ká'an i ma‑ni, te sa'a i ja skiti tna'a ini i ji'in ñayii ma, te maa tnu'u ká'an i ma sa'a ja jin sa'a ndeva'a ña'a ñayii ma.

Proverbios 18:7

Ja ká'an ñayii so'o xeen kaa ma chi nukun‑tuu maa i ndaka ja u'vi ká'an i ma, te ndando'o ndaneni maa i.

Proverbios 21:24

Ñayii kúvixi maa i ja maa i kúu‑ka ma chi kúneé kú‑uun‑ni maa i, vaa ñayii ndee ini kúu i.

Proverbios 22:8

Ñayii sa'a ja u'vi in‑ka ñayii ma chi tna'a ja ni sa'a i ma ndani'i ndatna'a maa i, te ndando'o ndaneni maa i, te sukan, te xnaa ya ñayii ka sa'a ja u'vi ma.

Proverbios 28:25

Ñayii kueñu ini ma chi sa'a i ja jin kanaa ñayii ma, kovaa ñayii kúkanu ini Su'si ma chi sa'a maa Su'si Iya Tátnuni ma ja ko ni'i ko tna'a i.

2 Pedro 2:18

Vaa vivii ka ka'an i ora ka kaxtnu'u i ma, kovaa masu nde jiniñu'u ja ka ka'an i ma, vaa ka ka'an i ja kuu jin sa'a ñayii ma sukan ka kuni maa yikikuñu i ma, te ñayii yika ni ka nde koo nuu ja u'vi ma, te ka sa'a i ja ka ndakokuiñi tuku ñayii nda'vi yukan in‑ka tuku jichi nuu ja u'vi ma.

Apocalipsis 12:11

Te ñayii ya'a chi ni ka kundee i ja maa niñi iya kúu sukan kúu ndikachi jaa ma, te ni ka yo ka'an, ni ka yo kachi i tnu'u vii tnu'u va'a ya ma, te masu ni ka yo yu'u i, visi na in na ka'ni ña'a.

Apocalipsis 3:10

Vaa ni kandija ro tnu'u ni ka'an ri a, te ni kanda ro, visi ni ndo'o ni neni ro, te chukan kúu ja ru'u ya chi koto va'a ña'a ri ora kenda ja jin ndo'o jin neni ndaka ñayii ka iyo ni‑ka'nu ñuu ñayivi a, sukan‑va'a kototnuni ri i naxe ka iyo i.