Proverbios 14:29 - New Testament Psalms and Proverbs in Mixtec Magdalena Peñasco

²⁹ Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 14:29 ပူးပေါင်းရင်းမြစ်များ

Proverbios 14:17

Ñayii yachi‑ni ndákiti ini i ma chi ni masu kunitnuni maa i te sa'a i ja u'vi ma, te ñayii sukan kúu i ma chi masu na in kúnimani nuu i ma,

Proverbios 14:28

Jayiñu'u tee kúu rey ma kúu nú kua'a xeen ñayii ma kúu ñuu nuu tátnuni de ma, kovaa nú lule‑ni ñuu ma te jaku‑ni ñayii ma kúu chi ñatuu nawa kúu sa'a de te nda'vi‑ni kúu de.

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 16:32

Ja va'a kúu ja kava kuee ini o ma sana ja ko kuyachi ini o te ndimaa ko kanaa o ma, te ja va'a‑ka kúu nú kúndee o kánda o te kaa kuee ini o ma sana ja kundee o tatnuni o nuu ñayii kua'a iyo in ñuu ma.

Proverbios 17:27

Ñayii ndichi ma chi kánda i te masu ká'an yachi i te kaa kuee xeen ini i, vaa ñayii ndichi kúu i.

Proverbios 19:11

Ñayii ndichi te ndasa'a i kuenda ma chi kutu'va i ja kava kuee ini i, te jayiñu'u i kúu ja ni sakanu ini i ja u'vi ni sa'a ña'a in‑ka ñayii ma.

Proverbios 25:28

Sukan kúu in ñuu ja masu nawa ndesi va'a ña'a ma, sukan kúu in ñayii ñatuu kúu tatnuni nuu maa i sukan‑va'a ma sa'a i ni‑in ja u'vi ma.

Proverbios 25:8

Nú nawa ni jini ni ja ka sa'a ñayii ma, te máko ki'in kunu ni jin kua'a ni kuenda nuu tee ka netniñu ma, nasa yukan, te kenda in‑ka ñayii te ka'an i ja suni ni jini tna i te ka'an i ja masu ja ndaa kúu ja ká'an ni ma, te ma ni'i ini‑ka ni naxe sa'a ni te tna'a ni ja kan‑nuu.

Proverbios 4:8

Nuna katanuu ro ja ko sa'a ro sukan ká'an tnu'u ndichi Su'si ma, te sa'a i ja koo jayiñu'u ro, te sukan ko kuu nuna tnii vava'a ro te katanuu ro.

Mateo 11:29

Jin kinee ni chii yugu sa a, te jin kutu'va ni sukan káxtnu'u sa a, vaa kaa kuee ini sa, te iyo sa ja koniniso'o sa nawa jin ka'an ni, sukan‑va'a jin ndatatu ini anua ni a na tnundo'o tnuneni ka tna'a ni.

Mateo 2:16

Sani te nuu ni jinitnuni Herodes ma ja ni ka xnda'vi ña'a tee inundichi ma, te ni ndakiti xeen ini de, te ni tatnuni de ja jin ka'ni soldado ma ndaka suchi yika ni ka kâku ma te onde suchi uu kuiya ma, ja ka iyo i ñuu Belén ma ji'in ndaka yu'u ñuu ma.

Santiago 1:19

Chukan kúu ja kútoo ña'a maa sa, ndijin ja ni ka nduu o sa'ya Su'si o a, te jin koo ñama ni ja jin koniniso'o ni, te jin kava kuee ini ni ora jin ka'an ni ma, te má jin ndakiti yachi ini ni.