Proverbios 14:27 - New Testament Psalms and Proverbs in Mixtec Magdalena Peñasco

²⁷ Sukan kúu nuu tóo kua'a ndute ma, sukan kúu ja koyu'u o Su'si ma te ma ko sa'a‑ka o ja u'vi ma, vaa sa'a ya ja koteku o, sukan‑va'a ma jin tu'va o nuu kûu o te skenaa o maa o ma.

Proverbios 14:27 ပူးပေါင်းရင်းမြစ်များ

Salmos 18:5

Ni ka jani ini i ja jin ka'ni ña'a i, te ni kenda sa nuu kûu sa ma nkuu.

Proverbios 10:27

Ñayii yu'u Su'si ma te ñatuu sa'a‑ka i ja u'vi ma chi kani kani koteku i, kovaa ñayii sa'a ja u'vi ma chi ndate'nde sava sukan iyo ja koteku i ma.

Proverbios 13:14

Ndaka tnu'u va'a káxtnu'u ñayii ndichi ma chi suu i chindee ña'a ja kaku o ja ma ki'in o ichi nuu skenaa o maa o ma, te koteku o.

Proverbios 14:26

Ja koyu'u o Su'si ma te ma ko sa'a‑ka o ja u'vi ma vaa iya ndakan kuenda kúu ya ma chi sa'a i ja kukanu ini xeen o ya ja ko koto ña'a ya te ko koto ya sa'ya tata o ma.

Proverbios 14:28

Jayiñu'u tee kúu rey ma kúu nú kua'a xeen ñayii ma kúu ñuu nuu tátnuni de ma, kovaa nú lule‑ni ñuu ma te jaku‑ni ñayii ma kúu chi ñatuu nawa kúu sa'a de te nda'vi‑ni kúu de.

Proverbios 19:23

Ja koyu'u o Su'si ma te ma ko sa'a o ja u'vi ma chi chindee ña'a i ja koteku o ni‑kani ni‑jika, te maa ya sa'a ja kusu sii ini o te ndatatu o, te ni‑in tnundo'o ma kenda nuu iyo o ma.

Proverbios 22:5

kovaa ichi kua'an ñayii sa'a ja u'vi ma chi nanimaa tnundo'o tnuneni kenda koo nuu i ma, vaa jani ini i ja va'a‑ni kúu ja sa'a i ma, kovaa ndimaa ja skenaa i maa i kúu.

Apocalipsis 21:6

Te suni ká'an ya: ―‍Jâ ni kuu. Sukan kúu letra xinañu'u ni keja'a ma te onde letra sandi'i‑nka ma, sukan kúu sa, vaa ja maa sa te ni ka keja'a ndaka ja ka iyo a, te ja maa sa te jin ndi'i ndaka. Nú na in yichi ndute, te maa sa kua'a ndute too ma, te sa'a de ja koteku i ma, te masu nawa ke'en ya'vi sa.