Proverbios 14:22 - New Testament Psalms and Proverbs in Mixtec Magdalena Peñasco

²² Ñayii ka nduku ja nanimaa ja u'vi ma jin sa'a i ma chi jin ski'in i maa i te ma jin ndani'i i ichi ndaa ma, kovaa ñayii ñu'u ini ja sa'a i ja va'a ja ndaa ma chi kunda'vi ini ña'a Su'si ma te jin ndani'i i ichi ndaa ma.

Proverbios 14:22 ပူးပေါင်းရင်းမြစ်များ

Salmos 25:10

Te chukan kúu ja ñayii ka kandija sukan ni ka'an ya ma, ndimaa jin kuni i sukan kútoo ña'a ya ma, ji'in sukan kúnda'vi ini ña'a ya ma, ji'in sukan ndija ya ja ká'an ya ma.

Salmos 36:4

Te nú kátuu i nuu jito kixi i ma, te yikuu i jani ini i naxe sa'a‑ka i ja u'vi ma. Ûni játna ini xeen i ja sa'a i ja u'vi ma. Chukan kúu ja ñatuu kúu xndoo i ja u'vi sa'a i ma.

Salmos 61:7

Te koo de ni‑kani ni‑jika nuu ni a, vi Su'si, te ja sukan nda'vi ini ni a ji'in tnu'u ndaa tnu'u ndija ká'an ni a, na jin chindee i rey ma ja na koo va'a de nuu maa ni a, vi Su'si.

Proverbios 12:2

Ñayii jani vii jani va'a ini ma chi játna ini Su'si ma ja sukan kúu i ma, kovaa ñayii jani ini ndimaa ja u'vi sa'a i ma chi maa Su'si ma sa'a ja ndachunaa i ja sa'a i ma.

Proverbios 12:26

Ñayii sa'a ja va'a ja ndaa ma chi kuu skaka i in‑ka ñayii ma ichi va'a ma, kovaa ñayii sa'a ja u'vi ma chi kuan koo i ichi jin skenaa i maa i ma.

Proverbios 14:17

Ñayii yachi‑ni ndákiti ini i ma chi ni masu kunitnuni maa i te sa'a i ja u'vi ma, te ñayii sukan kúu i ma chi masu na in kúnimani nuu i ma,

Proverbios 14:23

Ndaka ja ndó'o néni o ja satniñu o ma chi ñatuu jan naa, vaa ko ni'i ko tna'a o, kovaa ñayii yika‑ni ja ká'an ká'an‑ni i nawa jani ini i ja sa'a i ma te ñatuu sa'a i ma chi ko kunda'vi ko kukee i.

Proverbios 19:22

Ja játna ini ñayii ma kúu ja ndaka o, te kava va'a kava nda'vi ini o, te va'a‑ka ja ko kunda'vi ko kukee o sana ja kava tnu'u o ma.

Proverbios 24:8

Ñayii ñu'u ini ja sa'a i ja u'vi ma chi masu kua'a‑ni kivi te ka jini ñayii ma ja masu ñayii sa'a ja va'a kúu ñayii yukan, vaa ndimaa ja u'vi ñu'u ini i ja sa'a i ma.

Proverbios 3:29

Te máko ku'un ini ro ja sa'a u'vi ro ñayii iyo yatni ji'in ro ma, vaa kúkanu ini ña'a i ja masu na ja u'vi ko sa'a ro i.

Proverbios 3:3

Másu ko ndunaa kuiti ro ja ko sa'a ro ja ndaa ja ndija ma. Te ko kutoo ndija ro in‑ka ñayii ma, te ku'un ku'un‑ni ini ro ja sukan ko sa'a ro ndaka kivi nde kua'an nde vee ro. Ûni másu ko ndunaa ro.

Proverbios 6:14

Vaa nanimaa ja u'vi ñu'u ini anua i ma, te ndimaa ñu'u ini i ja sa'a i ja u'vi ma.

Mateo 5:7

’Vava'a jin kendoo ñayii inunda'vi ini ma, vaa ndunda'vi ini ña'a maa Su'si ma.

Juan 1:17

Tnu'u ni tatnuni Su'si ma chi ni wa'a ya nuu tee kúu Moisés ma, te ni yo ndakaxtnu'u de nuu ñayii ma. Kovaa tnu'u vii tnu'u mani ma ji'in ja ndaa ma ni kenda ja maa Jesucristo ma.