Proverbios 14:21 - New Testament Psalms and Proverbs in Mixtec Magdalena Peñasco

²¹ te vitna ja ká'an Su'si ma ja ñayii saxiko in‑ka ñayii ma chi jiso kuechi i nuu Su'si ma, kovaa ñayii kúnda'vi ini ñayii kúnda'vi kúkee ma chi ja vava'a ko kuu i nuu Su'si ma.

Proverbios 14:21 ပူးပေါင်းရင်းမြစ်များ

Salmos 112:5

Ñayii sa'a ja va'a ma te nda'vi ini i ma, te wanuu i nawa jiniñu'u in‑ka ñayii ma, chi kuu i kuatniñu va'a i nawa neva'a i ma.

Salmos 112:9

Wa'a i nawa jiniñu'u ñayii nda'vi ma, te sa'a i ja ndaa ni‑kani ni‑jika, te ja sukan kúu sa'a i ndaka ma, te koo jayiñu'u i ma.

Salmos 22:24

Vaa ñatuu nde ni saxiko ya ja ni jiña'a ñayii ndó'o néni ma, te ni masu nde ni chu'u ya nuu ya ma ora nuu ni ndakune'e i ya ma. Su'va ni yo niniso'o ñukuun ya ja ni jikan‑ta'vi i ma.

Proverbios 11:12

Ñayii ñatuu ndása'a kuenda sukan kúni Su'si ma chi ká'an i tnu'u in‑ka ñayii ma, vaa ñatuu jamani i in‑ka ñayii ma kúu, kovaa ñayii kándija te sa'a i sukan kúni Su'si ma chi jasi yu'u i te ñatuu ká'an i tnu'u in‑ka ñayii ma.

Proverbios 14:31

Ñayii xnda'vi te sa'a ndeva'a i ñayii kúnda'vi ma chi sa'a i ja kúxii ini Su'si iya ni sa'a ña'a ndaka o ma, kovaa ñayii kúnda'vi ini ñayii nda'vi ma chi ndáchiñu'u i Su'si ma ja sukan sa'a i ma.

Proverbios 17:5

Ñayii jákundee ñayii nda'vi ma chi sa'a i ja ndákiti ini Su'si iya ni sa'a ña'a ma, te ñayii kúsii ini ja jini i sukan ndó'o néni in‑ka ñayii ma chi masu yanduu ja ndaxndo'o ndaxneni ña'a Su'si ma.

Proverbios 18:3

Ñayii sa'a ja u'vi ma chi ka saxiko ña'a ñayii ma, te ndátna'a maa i ja kan‑nuu ja sukan vixi kaa i ma.

Proverbios 19:17

Ja chíndee o ñayii nda'vi ma chi kuenda tnu'u ja in ja wanuu o nuu Su'si ma kúu, te maa ya ja kúu ya Iya Tátnuni ma ndataa nuu o ja va'a ni sa'a o ma.

Proverbios 21:10

Ñayii sa'a ja u'vi ma chi yika ja ñu'u ini i kúu ja sa'a i ja u'vi in‑ka ñayii ma, te ni masu nde kúnda'vi ini i ñayii yukan.

Proverbios 22:9

Ñayii va'a ini ma te kúnda'vi ini i ñayii nda'vi ma te wa'a i ja kaa ñayii nda'vi ma chi skuta'vi ya i ja va'a te ko ni'i ko tna'a i.

Proverbios 28:27

Ñayii ndimaa chíndee ñayii nda'vi ma chi másu ko ka'ni ña'a nawa jiniñu'u i ma, kovaa ñayii sa'a tnu'u ja ñatuu jini i nuu iyo ñayii nda'vi ma vaa ñatuu kúni i ja chindee i ñayii yukan chi ndimaa ja u'vi kenda nuu i ma.

Proverbios 28:8

Ñayii wanuu xu'un i ma te ndimaa ké'en ya'vi‑ka i sa'ya xu'un i ma chi ndaka ja ni'i i ma chi satu'va i ja nduu kuenda ñayii kúnda'vi ini ñayii nda'vi ma.

Lucas 18:9

Jesús ma, ni ka'an ya in‑ka tnu'u vijin, ja kaxtnu'u ya nuu ñayii ka jani ini ja ñayii va'a‑ka ka kuu i te ka saxiko i jaku‑ka ñayii ma, te sa'a ni ka'an ya:

Hechos 20:35

Ja ni yo sa'a sa ma, te ni kaxtnu'u sa ja jiniñu'u ja satniñu o te chindee o ñayii ka jiniñu'u ma. Jín ndaka'án o tnu'u ni ka'an Jesús Iya Tátnuni ma, ja ja vava'a‑ka kúu ja kua'a o ja kuta'vi ñayii ma sana ja jin skuta'vi ña'a i ma ―‍kúu de jiña'a de.

Hebreos 6:12

sukan‑va'a máko jin kava kuxi ni, su'va jin sa'a ni sukan ni ka yo sa'a tna'a o ma, ja ni ka yo kukanu ini de Su'si ma, te ni ka kanda de, te ni ka ni'i de ja ni skuiso Su'si ma.